Astanada sý tapshylyǵy bar ma — Nurjan Nurjigitov jaýap berdi

Jýrnalıster elordadaǵy sý tapshylyǵy senarııiniń qaıtalanýy qanshalyqty múmkin ekenin surady.

«Astanada sý tapshylyǵy bolmaıdy dep naqty aıta alady. О́ıtkeni qalany aýyz sýmen qamtamasyz etetin Astana sý qoımasy kóktemgi sý tasqyny kezeńinde 100 paıyzdan astam toltyryldy. Qazir sý kestege saı berilip jatyr», – dedi Nurjigitov jaýabynda.

Nurjigitov súzý stansasynyń qurylysyna qosymsha 418 mıllıard teńge bólingenin aıtty.

«Bul jumystar qalany bolashaqta tolyq aýyz sýmen qamtamasyz etý úshin qajet», – dedi mınıstr.

Buǵan deıin Úkimet otyrysynda Indýstrııa jáne qurylys mınıstri Ersaıyn Naǵaspaev birqatar iri qalalardaǵy aýyz sýdyń sapasy men tapshylyǵy máseleleri sý tazartý qurylystaryn salý jáne jańǵyrtý arqyly sheshilgenin habarlady.

Sondaı-aq:

• Astanada jalpy somasy 118 mlrd teńgege sorǵy-súzgi stansasy salynyp, magıstraldyq sý qubyry qaıta jańǵyrtyldy;
• Atyraýda jalpy somasy 17 mlrd teńgege súzgi stansasyn qaıta jańǵyrtý jumystary aıaqtaldy;
• Qostanaı men Kókshetaýda sý tazartý qurylystaryn jańǵyrtý jumystary aıaqtalýda.

Buǵan deıin Nurjan Nurjigitov Astana irgesindegi Talapker jáne Qajymuqan aýyldary qashan taza aýyz sýmen qamtamasyz etiletinin aıtqan bolatyn.