جاڭالىقتار
استانادا تاعى ءبىر اۆتوبۋس جول اپاتىن جاسادى
فوتو: ۆيدەودان كادر
بۇگىن تاڭەرتەڭ ەلورداداعى رەسپۋبليكا داڭعىلى بويىندا جولاۋشىلار اۆتوبۋسى ايالداما پاۆيلونىنا سوعىلىپ, قوعامدىق كولىكتەگى قوزعالىس ءبىراز ۋاقىتقا تەجەلدى, دەپ حابارلايدى qandastar.kz
وقيعا سالدارىنان ايالداما اينەگى سىنعان. الدىن الا مالىمەتكە سايكەس, اۆتوبۋس جۇرگىزۋشىسى كولىك قۇرالىن ايالداماعا توقتاتۋ كەزىندە بۇيىردەگى اينامەن پاۆيلون كونسترۋكتسياسىن قاعىپ كەتكەن.
قالالىق پوليتسيا دەپارتامەنتىنىڭ حابارلاۋىنشا, وقيعا كەزىندە زارداپ شەككەندەر جوق. جولاۋشىلار مەديتسينالىق كومەككە جۇگىنبەگەن. قازىر وقيعا ورنىنا جول-پاترۋلدىك قىزمەت پەن تاسىمالداۋشى كومپانيانىڭ وكىلدەرى كەلىپ, ءمان-جايدى انىقتاۋدا.
اۆتوبۋس قوزعالىسى بىرنەشە مينۋتقا توقتاپ, كەيىن قايتا قالىپتى رەجيمدە جالعاستى. ايالداماعا جاۋاپتى كوممۋنالدىق قىزمەت وكىلدەرى زاقىمدالعان اينەكتى جاقىن ۋاقىتتا اۋىستىرۋ جۇمىستارىن باستايتىنىن حابارلادى.
