جاڭالىقتار
استانادا تاعى دا اۆتوبۋس اپاتقا ۇشىرادى
10 ماۋسىمدا استانادا اۆتوبۋس پەن جەڭىل اۆتوكولىك قاتىسقان جول-كولىك وقيعاسى ورىن الدى. اۆتوبۋستىڭ ەكى جولاۋشىسى زارداپ شەكتى, دەپ حابارلايدى Qandastar.kz اقپارات پورتالى.
بۇل جولى Toyota اۆتوكولىگىنىڭ جۇرگىزۋشىسى بۇرىلۋ كەزىندە اۆتوبۋس قوزعالىس جولاعىنا شىعىپ كەتكەن.
استانا قالالىق پد مالىمەتىنشە, Toyota اۆتوكولىگىنىڭ جۇرگىزۋشىسى رەسپۋبليكا داڭعىلى بويىمەن كەلە جاتىپ, وڭعا بۇرىلۋ كەزىندە مانەۆر قاۋىپسىزدىگىنە كوز جەتكىزبەي, Iveco ماركالى مارشرۋتتىق اۆتوبۋسپەن سوقتىعىسقان.
«جول-كولىك وقيعاسى سالدارىنان اۆتوبۋستىڭ ەكى جولاۋشىسى دارىگەرلىك تەكسەرىستەن كەيىن ۇيلەرىنە جىبەرىلدى. قازىر تەكسەرىس جۇرگىزىلۋدە», – دەپ حابارلادى پوليتسيا دەپارتامەنتىنەن.
سونىمەن قاتار, ەلوردالىق قوعامدىق دەنساۋلىق ساقتاۋ باسقارماسى دا جول اپاتى كەزىندە ەكى ەرەسەك پاتسيەنت جەدەل جاردەم جەلىسى ارقىلى باتپەنوۆ ن.د. اتىنداعى ۇلتتىق تراۆماتولوگيا جانە ورتوپەديا عىلىمي ورتالىعىنا ءارتۇرلى جەڭىل جاراقاتتارمەن جەتكىزىلگەنىن حابارلادى.
ايتا كەتەيىك, وسى رەسپۋبليكا داڭعىلىندا 2 ماۋسىم كۇنى ءىرى جول اپاتى بولىپ, بىرنەشە ادام زارداپ شەككەن ەدى.
