استانادا تۇنگى كلۋبتا كوز جۇمعان جىگىتتىڭ اپكەسى وقيعانىڭ قالاي بولعانىن ايتتى

ەلوردادا بىرنەشە كۇن بۇرىن تۇنگى كلۋبتاردىڭ بىرىندە جانجال كەزىندە 19 جاستاعى جىگىت پىشاق جاراقاتىنان كوز جۇمدى. جىگىتتىڭ اپكەسى وقيعانىڭ قالاي بولعانىن ايتىپ بەردى, دەپ حابارلايدى qandastar.kz

مارقۇمنىڭ تۋىسىنىڭ ايتۋىنشا, ءىنىسى 19 جاستاعى ازات سول كۇنى تۇنگى اۋىسىمنان ۇيگە كەلىپ, كيىمىن اۋىستىرىپ, ۇيىقتاعالى جاتقاندا دوسى حابارلاسىپ, تۇنگى كلۋبتا جانجال بولىپ جاتقانىن ايتىپ, كومەككە شاقىرعان.

«ازات قاسىنداعى دوستارىنا قايدا بارا جاتقانىن ايتپاي قازىر كەلەمىن دەپ شىعىپ كەتكەن. سول جەردە ولجاس دەگەن بالانى ەكى-ءۇش رەت ۇرىپ جىققان. اشۋعا بۋلىققان ولجاس ازاتتىڭ جۇرەگىنە ەكى رەت پىشاق سۇققان. ونىڭ قالتاسىنا پىشاقتى ءبىر دوسى ءوزىڭدى قورعاساڭ كەرەك بولادى دەپ سالىپ قويىپتى. ءىنىم كلۋبقا ءوزىنىڭ كۇشىنە سەنىپ بارعان, ويىندا قورعانۋ كەرەكتىگى, پىشاق دەگەن نارسە بولماعان. قىلمىسقا بەس ادامنىڭ قاتىسى بارى ايتىلعانىمەن, قازىر قاماۋدا جالعىز سول ولجاس قانا وتىر. تۇنگى كلۋب كۇزەتشىسى مەن ءۇش ادام قاشىپ ءجۇر. بىرەۋى استانادا, بىرەۋى شۋدا, بىرەۋى الماتىنىڭ ءبىر جەرىندە تىعىلىپ جۇرگەن كورىنەدى», —  دەيدى مارقۇمنىڭ اپكەسى ارۋجان.

ايەل توبەلەس باستالعاننان باستاپ كلۋب اۋلاسىندا ءۇش پوليتسەيدىڭ جۇرگەنىن, ولار ءىنىسىن پىشاقتاپ تاستاعانىن كورە تۇرا, ونى تاستاپ, كومەككە شاقىرعان دوسىن قولىن قايىرىپ الىپ كەتكەنىن ايتادى.

«ازاتتىڭ بوتەلكەنى سىندىرىپ, ايقايلاپ كومەك سۇراعان دوسى ەسەندى پوليتسەيلەر قولىن قايىرىپ الىپ كەتىپ, ابدەن ۇرعان. ونىڭ نە كىناسى بار. سەن ءولتىردىڭ دەپ ايتىپتى. ولار ءادىل جۇمىس جاساماعاندىقتان, وسىنداي جاعداي بولىپ تۇر. ولار ءىنىم قانسىراپ جاتقاندا ونى تاستاپ, كىناسىز دوسىن الىپ كەتكەن. جەدەل جاردەم شاقىرعانىمەن, ول 25-30 مينۋتتان كەيىن بىراق كەلگەن. بۇل جەردە سۇراق كوپ. جەدەل جاردەم دە كەشىككەن. سوندىقتان وسى ءۇش پوليتسەيدى جاۋاپقا تارتۋدى تالاپ ەتەمىن», — دەيدى ول.

 Skifnews.kz جازعانداي,   ارۋجان قاسكويلەر ءوزى قانسىراپ جاتقان ازاتتى تاعى پىشاقتاعانىن ايتادى.

ء«ىنىم السىرەپ جاتقاندا الگى جانجالعا قاتىسقان جىگىتتەر ونىڭ سانىنا ەكى رەت, بالتىرىنا ءبىر رەت پىشاق سالعان. ازاتقا پىشاق سالعان ولجاس ون سەگىزدە. اناۋ قاشىپ جۇرگەن ءۇش جىگىتتى دە جاۋاپقا تارتۋ كەرەك. ەگەر ولار ارتتارى تازا بولسا, قاشىپ جۇرمەس ەدى. قىلمىسكەردىڭ قالتاسىنا پىشاق سالىپ بەرگەن بالانى دا قىلمىستىق جاۋاپكەرشىلىككە تارتۋ كەرەك», — دەدى مارقۇمنىڭ تۋىسى.

ايەل ءىنىسىن كومەككە شاقىرعان دوسى اقىل-ەسىنەن ايىرىلعانىن, ونىمەن حابارلاسا الماعانىن ايتادى.ويتكەنى, ونى پوليتسەيلەر ابدەن ۇرىپ-سوققان كورىنەدى.

«قازىرگى تاڭدا الگى قىلمىسكەر ولجاس دەگەن بالا مەنى قولداپ, جازىپ جاتقان قىزدارعا قوقان-لوقى كورسەتىپ جاتقان كورىنەدى. جاريالانعان ۆيدەولاردى وشىرمەسەڭدەر ىستەرىڭ بىزبەن بولادى, سەندەردى زورلايمىز, باۋىزداپ كەتەمىز دەگەن سياقتى. ءبىز بىراق وعان نازار اۋدارىپ جاتقان جوقپىز. ءبىز ءىستىڭ سوڭىنا دەيىن بارامىز. وسى ىسكە بەس ادامنىڭ قاتىسى بار ەكەنى ايتىلىپ جاتىر. سونىڭ ءبارى جازاسىن السا دەيمىز.تازاتتى ولتىرگەن ولجاس بۇعان دەيىن ءۇش ادام ولتىرگەن دەگەن اقپارات بار. راc—وتىرىگىن بىلمەيمىز. ءبىر تانىسىمنان اقپارات ءتۇستى. ودان اتا-اناسى باس تارتقان ەكەن دەيدى. تۋىستارىنان ەشكىم كەلىپ ءالى كۇنگە دەيىن كەشىرىم سۇراعان جوق», — دەيدى ارۋجان.

مارقۇم ازات اپكەسىنىڭ ايتۋىنشا, ءوزى تيىسپەسە ەشكىمگە ءوزى بارىپ تيىسپەيتىن سالماقتى جىگىت بولعان. استانادا اۋىسىممەن جۇمىس ىستەپ جۇرگەن. قازىر قارا جامىلعان وتباسى ءىستىڭ ءادىل تەرگەلىپ, كىنالىلەردىڭ جازاعا تارتىلۋىن تالاپ ەتىپ جاتىر.