Astanada túngi klýbta kóz jumǵan jigittiń ápkesi oqıǵanyń qalaı bolǵanyn aıtty

Elordada birneshe kún buryn túngi klýbtardyń birinde janjal kezinde 19 jastaǵy jigit pyshaq jaraqatynan kóz jumdy. Jigittiń ápkesi oqıǵanyń qalaı bolǵanyn aıtyp berdi, dep habarlaıdy qandastar.kz

Marqumnyń týysynyń aıtýynsha, inisi 19 jastaǵy Azat sol kúni túngi aýysymnan úıge kelip, kıimin aýystyryp, uıyqtaǵaly jatqanda dosy habarlasyp, túngi klýbta janjal bolyp jatqanyn aıtyp, kómekke shaqyrǵan.

«Azat qasyndaǵy dostaryna qaıda bara jatqanyn aıtpaı qazir kelemin dep shyǵyp ketken. Sol jerde Oljas degen balany eki-úsh ret uryp jyqqan. Ashýǵa býlyqqan Oljas Azattyń júregine eki ret pyshaq suqqan. Onyń qaltasyna pyshaqty bir dosy ózińdi qorǵasań kerek bolady dep salyp qoıypty. Inim klýbqa óziniń kúshine senip barǵan, oıynda qorǵaný kerektigi, pyshaq degen nárse bolmaǵan. Qylmysqa bes adamnyń qatysy bary aıtylǵanymen, qazir qamaýda jalǵyz sol Oljas qana otyr. Túngi klýb kúzetshisi men úsh adam qashyp júr. Bireýi Astanada, bireýi Shýda, bireýi Almatynyń bir jerinde tyǵylyp júrgen kórinedi», —  deıdi marqumnyń ápkesi Arýjan.

Áıel tóbeles bastalǵannan bastap klýb aýlasynda úsh polıeıdiń júrgenin, olar inisin pyshaqtap tastaǵanyn kóre tura, ony tastap, kómekke shaqyrǵan dosyn qolyn qaıyryp alyp ketkenin aıtady.

«Azattyń bótelkeni syndyryp, aıqaılap kómek suraǵan dosy Esendi polıeıler qolyn qaıyryp alyp ketip, ábden urǵan. Onyń ne kinási bar. Sen óltirdiń dep aıtypty. Olar ádil jumys jasamaǵandyqtan, osyndaı jaǵdaı bolyp tur. Olar inim qansyrap jatqanda ony tastap, kinásiz dosyn alyp ketken. Jedel járdem shaqyrǵanymen, ol 25-30 mınýttan keıin biraq kelgen. Bul jerde suraq kóp. Jedel járdem de keshikken. Sondyqtan osy úsh polıeıdi jaýapqa tartýdy talap etemin», — deıdi ol.

 Skifnews.kz jazǵandaı,   Arýjan qaskóıler ózi qansyrap jatqan Azatty taǵy pyshaqtaǵanyn aıtady.

«Inim álsirep jatqanda álgi janjalǵa qatysqan jigitter onyń sanyna eki ret, baltyryna bir ret pyshaq salǵan. Azatqa pyshaq salǵan Oljas on segizde. Anaý qashyp júrgen úsh jigitti de jaýapqa tartý kerek. Eger olar arttary taza bolsa, qashyp júrmes edi. Qylmyskerdiń qaltasyna pyshaq salyp bergen balany da qylmystyq jaýapkershilikke tartý kerek», — dedi marqumnyń týysy.

Áıel inisin kómekke shaqyrǵan dosy aqyl-esinen aıyrylǵanyn, onymen habarlasa almaǵanyn aıtady.О́ıtkeni, ony polıeıler ábden uryp-soqqan kórinedi.

«Qazirgi tańda álgi qylmysker Oljas degen bala meni qoldap, jazyp jatqan qyzdarǵa qoqan-loqy kórsetip jatqan kórinedi. Jarııalanǵan vıdeolardy óshirmeseńder isteriń bizben bolady, senderdi zorlaımyz, baýyzdap ketemiz degen sııaqty. Biz biraq oǵan nazar aýdaryp jatqan joqpyz. Biz istiń sońyna deıin baramyz. Osy iske bes adamnyń qatysy bar ekeni aıtylyp jatyr. Sonyń bári jazasyn alsa deımiz.tAzatty óltirgen Oljas buǵan deıin úsh adam óltirgen degen aqparat bar. Rac—ótirigin bilmeımiz. Bir tanysymnan aqparat tústi. Odan ata-anasy bas tartqan eken deıdi. Týystarynan eshkim kelip áli kúnge deıin keshirim suraǵan joq», — deıdi Arýjan.

Marqum Azat ápkesiniń aıtýynsha, ózi tıispese eshkimge ózi baryp tıispeıtin salmaqty jigit bolǵan. Astanada aýysymmen jumys istep júrgen. Qazir qara jamylǵan otbasy istiń ádil tergelip, kinálilerdiń jazaǵa tartylýyn talap etip jatyr.