استانادا تۇرعىن ءۇي كەشەنى وتقا وراندى: تۇرعىندار قوناق ۇيگە ورنالاستىرىلدى

استاناداعى «سەم بوچەك» تۇرعىن ءۇي كەشەنىنەن ءورت شىقتى. توتەنشە جاعدايلار مينيسترلىگى كەشەننىڭ ءبىر بلوگىنىڭ قاسبەتىندە ورنالاسقان قاپتاما ماتەريالى ورتەنگەنىن مالىمدەدى, دەپ حابارلايدى  Qandastar.kz اقپارات پورتالى.

جەلىدە تاراعان ۆيدەودان كەشەننىڭ قىزىل جالىنعا ورىنعانى كورۋگە بولادى. كادر سىرتىندا ادامدار وتتىڭ وتە جىلدام تارالىپ جاتقانىن ايتىپ جاتتى.

«استانا قالاسى, نۇرا اۋدانى, سىعاناق كوشەسىندە ورنالاسقان تۇرعىن ءۇي كەشەنىنىڭ قاسبەتىنىڭ سىرتقى قاپتاماسى جانىپ جاتىر. قازىرگى ۋاقىتتا تجم ءورت سوندىرۋشىلەرى وتتى ءسوندىرۋ جۇمىستارىن جۇرگىزىپ جاتىر», – دەپ حابارلادى توتەنشە جاعدايلار مينيسترلىگى.

وقيعانىڭ ءمان-جايى ناقتىلانىپ جاتىر. ورت شىققان جەردى پوليتسيا قىزمەتكەرلەرى قورشاۋعا الدى. بارلىق تۇرعىندار ەۆاكۋاتسيالاندى.

ءورتتى سوندىرۋگە توتەنشە جاعداي دەپارتامەنتىنىڭ 45 قىزمەتكەرى مەن 13 تەحنيكا بىرلىگى جۇمىلدىرىلدى.

ء«ورتتى وقشاۋلاۋ شارالارى قابىلدانىپ جاتىر. ءورتتى ءسوندىرۋ ءۇشىن بىرنەشە سۋ قۇبىرى تارتىلدى. الايدا ءورت ءسوندىرۋ جۇمىستارى كىرەبەرىس جولداردىڭ جوقتىعىنان قيىنداپ وتىر», – دەپ مالىمدەدى توتەنشە جاعدايلار مينيسترلىگى.

ۆەدومستۆونىىڭ مالىمەتىنشە, ءورت 01:39-دا اۋىزدىقتالدى.