Jańalyqtar
Astanada úıden órt shyǵyp, tórt bala kóz jumdy
Foto: Astana TJD baspasóz qyzmeti
Jeke eki qabatty turǵyn úıdiń shatyrynan órt shyǵyp, onyń bir bóligi qulady.
Astanada jeke úıde bolǵan órtten tórt bala qaza tapty, dep habarlady qandastar.kz elordalyq TJD baspasóz qyzmetine silteme jasap.
Qaıǵyly oqıǵa tańerteń erte boldy. Jeke eki qabatty turǵyn úıdiń shatyrynan órt shyǵyp, onyń bir bóligi qulady.
«Qutqarýshylar habar túskennen keıin 6 mınýt ishinde jetip, órtti anyqtady. О́rt aldyn ala esep boıynsha 500 sharshy metr aýmaqta oqshaýlanyp, tolyq sóndirildi. О́rt saldarynan 2011, 2015, 2021 jáne 2022 jyldary týǵan tórt bala qaza tapty», – delingen habarlamada.
Oqıǵanyń sebepteri anyqtalyp jatyr. Sot-medıınalyq saraptama taǵaıyndaldy. Qaza tapqandardyń jaqyndaryna Astana TJD men Tótenshe jaǵdaılar medıınasy ortalyǵynyń psıhologtary kómek kórsetýde.
