Astanada ushaqqa keshikken azamat bir jylǵa sottaldy

Ushaq reısine keshikken azamat bostandyǵyn shekteý jazasyna tartyldy, dep habarlaıdy Qandastar.kz.

«Sot talqylaýy barysynda memlekettik aıyptaýshy kúdiktiniń kinásin dáleldeıtin bultartpas aıǵaqtar usyndy. Qaraý nátıjesinde sot er adamdy kináli dep tanyp, oǵan 1 jyl 1 aı merzimge bostandyǵyn shekteý jazasyn taǵaıyndady. Sot úkimi zańdy kúshine endi», – dep habarlady Kólik prokýratýrasynyń baspasóz qyzmeti.

Oqıǵa Astana áýejaıynda oryn alǵan.

«Elorda áýejaıynda Almaty turǵyny reıske keshigip, agressıvti áreketke baryp, áýejaı aýmaǵynda qoǵamdyq tártipti qamtamasyz etken polıııa qyzmetkerleriniń zańdy talaptaryna baǵynýdan bas tartqan. Tergeý barysynda er adamnyń polıııa qyzmetkerleriniń talabyn elemeı qana qoımaı, olardy balaǵattap, densaýlyǵyna zııan keltirýmen ashyq túrde qorqytqany anyqtaldy. Onyń áreketi bılik ókilderine qarsy jasalǵan qylmys retinde saralandy», – dep naqtylady kólik prokýrorlary.