استانادا جالعان ريەلتور ۇستالدى

فوتو: ۆەدوموستي

استانادا كيبەرقىلمىسقا قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ شارالارى بارىسىندا جوق ۇيلەردى جالعا بەرۋمەن اينالىسقان 29 جاستاعى ايەلدى ۇستادى, – دەپ حابارلايدى qandastar.kz

قالالىق پوليتسيا دەپارتامەنتىنىڭ مالىمەتىنشە, كۇدىكتى Krisha.kz سايتىندا ۇيلەردى جالعا بەرۋ تۋرالى جالعان حابارلاندىرۋلار جاريالاعان. جابىرلەنۋشىلەرمەن حات الماسۋ كەزىندە ول استانا, الماتى قالالارىندا جانە «بۋراباي» دەمالىس بازاسىندا ۇيلەردى جالعا بەرۋگە ۋادە ەتكەن.

پاتەر جالداۋعا قىزىعۋشىلىق تانىتقان ازاماتتار جالعان بانك شوتتارىنا الدىن الا تولەمدەردى اۋدارىپ, كەيىن پاتەر يەسىمەن بايلانىس ۇزىلگەن. ناتيجەسىندە جابىرلەنۋشىلەر اقشاسىنان ايىرىلدى.

– جەدەل ءىس-شارالاردىڭ ناتيجەسىندە پوليتسيا قىزمەتكەرلەرى كۇدىكتىنى انىقتاپ, قولعا ءتۇسىردى. ۇستالعان ازاماتشا ءوز كىناسىن مويىندادى. قازىرگى ۋاقىتتا تەرگەۋ جۇرگىزىلۋدە, كۇدىكتىنىڭ 5 ەپيزودقا قاتىسى بار ەكەنى انىقتالدى, – دەلىنگەن مالىمەتتە.

استانا قالاسىنىڭ پوليتسيا دەپارتامەنتى ازاماتتاردى ساق بولۋعا جانە اقشا اۋدارۋدان بۇرىن اقپاراتتى مۇقيات تەكسەرۋگە شاقىرادى. ەگەر ءسىز الاياقتىقتىڭ قۇربانى بولساڭىز, دەرەۋ پوليتسياعا حابارلاسۋ قاجەت.