جاڭالىقتار
استانادا جاسوسپىرىمدەر “حان شاتىردىڭ” توبەسىنە شىققان
فوتو:اشىق دەرەككوز
جەلىدە استانالىق ساۋدا ورتالىقتارىنىڭ ءبىرى «حان شاتىردىڭ» توبەسىنە شىقپاق بولعان بالالاردىڭ ۆيدەوسى تارادى, – دەپ حابارلايدى qandastar.kz
«استانادا تاۋ جوق بولسا, نە ىستەيمىز ەندى?» دەپ سيپاتتالعان ۆيدەودا جاسوسپىرىمدەردىڭ «حان شاتىر» ساۋدا ءۇيىنىڭ توبەسىنە شىعىپ جاتقانىن كورۋگە بولادى.
بۇزاقىلاردى پوليتسيا قىزمەتكەرلەرى بايقاپ, ولاردى ۇستاماق بولعان, بىراق بالالار قاشىپ ۇلگەرگەن.
جەلى قولدانۋشىلارىنىڭ جاعدايعا قاتىستى پىكىرى ەكى ءتۇرلى, ءبىرى بالالاردىڭ ءىسىن قىزىق كورىپ, «بالالىق» دەپ جاقتاسا, ەكىنشىلەرى «تارتىپسىزدىك» دەپ سوگىپ جاتىر.
«ايتەۋىر تەلەفونعا تەلمىرىپ وتىرعان جوق قوي», «بالا كەزدە قىلىق شىعارماعانداي نەگە سونشالىقتى اشۋلاناسىزدار?!», «جاي بالالىق قوي» دەيتىندەر ەستەرىڭ دۇرىس پا?», «كىشكەنتاي كەزىمىزدە ءبىز دە شاتىرعا شىعاتىنبىز, وندا تۇرعان نە بار?», – دەپ جازادى قولدانۋشىلار.
