جاڭالىقتار
استانادا جاتاقحانادان ءورت شىقتى
فوتو: تجم
استانادا الماتى اۋدانى, بۇقتىرما كوشەسىندە ورنالاسقان عيماراتتىڭ جاتاقحانا رەتىندە پايدالانىلاتىن بولىگىندە ءورت شىقتى, دەپ جازدى qandastar.kz
بۇل تۋرالى توتەنشە جاعدايلار مينيسترلىگى حابارلادى. ءورت عيماراتتىڭ ءۇشىنشى قاباتىندا باستالىپ, وت توبە جابىندىسى مەن شاتىردى دا شارپىعان.
ءورت سوندىرۋشىلەر كەلگەنگە دەيىن عيماراتتىڭ ءۇشىنشى قاباتىنداعى جابىن وپىرىلىپ تۇسكەن. عيماراتتان 40 ادام, ونىڭ ىشىندە 10 بالا ەۆاكۋاتسيالاندى. وقيعا ورنىندا ءورت ءسوندىرۋ بويىنشا جەدەل شتاب پەن ەۆاكۋاتسيالانعاندار ءۇشىن جىلىتۋ پۋنكتى ۇيىمداستىرىلدى. تجم مەديتسينا جانە اپاتتار ورتالىعىنىڭ قىزمەتكەرلەرى زارداپ شەككەندەرگە مەديتسينالىق جانە پسيحولوگيالىق كومەك كورسەتتى.
قازىرگى ۋاقىتتا زارداپ شەككەندەردىڭ سانى تۋرالى اقپارات ناقتىلانىپ جاتىر. ءورت ءسوندىرىلدى, الدىن الا مالىمەت بويىنشا ونىڭ اۋماعى 300 شارشى مەتردى قۇراعان. ءورتتىڭ شىعۋ سەبەپتەرى انىقتالىپ جاتىر.
