Astanada jigit týystaryn pyshaqtady: Zardap shekkenderdiń jaǵdaıy belgili boldy

Astanada týysqanynyń pyshaq shabýylynan zardap shekkender №1 kópsalaly qalalyq aýrýhanaǵa jatqyzyldy. Olardyń biri jansaqtaý bóliminde, dep jazdy qandastar.kz

Astanada týystaryn pyshaqtady dep kúdikke ilingen 21 jastaǵy jigit ustaldy. Shabýyl saldarynan onyń 28 jastaǵy naǵashy aǵasy mert bolyp, úsh týysy aýrýhanaǵa jetkizildi.

«1964 jylǵy áıeldiń denesiniń ár jerinde birneshe ret pyshaq jaraqattary, sol jaq qabyrǵasynyń synǵany anyqtaldy. Ol aýyr halde aýrýhanaǵa jetkizilip, ota jasaldy, qazir jansaqtaý bóliminde jatyr», – dep habarlady Astana densaýlyq saqtaý basqarmasy.

Shabýylshynyń taǵy bir naǵashy ápkesi de túrli jaraqattar alǵan.

«50 jastaǵy áıel de túrli pyshaq jaraqattaryn alyp, denesi kógergen, bas súıek-mı jaraqaty, oń jaq qabyrǵasy synyp, emhanaǵa jatqyzyldy. Onyń jalpy jaǵdaıy ortasha jáne turaqty», – dep habarlady vedomstvodan.

Al 18 jastaǵy naǵashy qaryndasy hırýrgııa bólimine jatqyzyldy. Onyń jalpy jaǵdaıy ortasha jáne turaqty.

Adam óltirý deregi boıynsha qylmystyq is qozǵaldy.