Astanada jol ústinde tóbelesken júrgizýshiler qamaýǵa alyndy

Foto: ashyq derekkóz

Elordada usaq buzaqylyq jasaǵany úshin eki júrgizýshige qatysty is qaraldy, dep habarlaıdy Skifnews.kz aqparat portaly Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotyna silteme jasap.

Is materıaldarynan eki júrgizýshi de kólik quraldaryn basqarǵany jáne jol júrý barysynda joldy bólise almaǵandyǵy baıqalady. Sodan soń ekeýi kólikterin toqtatyp, qoǵamdyq orynda ózara tóbeles uıymdastyrǵan.

Sot otyrysy barysynda B. jáne S. jasaǵan quqyq buzýshylyqtaryn joqqa shyǵarǵan joq.

Jasalǵan quqyq buzýshylyqtyń mán-jaıy is materıaldarymen, ákimshilik quqyq buzýshylyq týraly hattamamen, polıııa qyzmetkeriniń baıanatymen jáne oqıǵa ornynan túsirilgen beınejazbamen rastalady.

ÁQBtK 434-baby 1-bóliginiń sankııasy 20 AEK mólsherinde aıyppul nemese 5-ten 15 táýlikke deıingi merzimge ákimshilik qamaýǵa alýǵa ákelip soǵady.

Sot kináni moıyndaý, jasaǵan isterine ókiný jáne jas balalarynyń bolýyn jaýapkershilik pen jazany jeńildetetin mán-jaılar retinde tanydy.

Sot qaýlysymen eki quqyq buzýshy da ÁQBtK 434-babynyń 1-bóligi boıynsha kináli dep tanylyp, árqaısysy 5 táýlik merzimge ákimshilik qamaýǵa alyndy.

Sondaı-aq, jazalaý sharasyn aıqyndaý kezinde sot qoǵamda rezonans týdyrǵan qoǵamdyq tártip pen adamgershilikke qol suǵatyn quqyq buzýshylyqtyń sıpatyn da nazarǵa aldy.

Qaýlylar zańdy kúshine engen joq.