Astanada jýrnalıst Luqpan Ahmedııarov ustaldy

Astanada belgili jýrnalıst Luqpan Ahmedııarovty polıııa ustap áketti, dep jazdy qandastar.kz

Bul týraly Stan.kz aqparat agenttigi habarlaıdy.

Jýrnalıst Instagram jelisinde tikeleı efırge shyǵyp, polıııanyń oǵan qylmystyq is qozǵalǵany týraly habarlaǵanyn aıtyp úlgergen. Jýrnalıst óziniń ustalýyna Batys Qazaqstannan er adamdardy jumysqa jiberemiz degen syltaýmen Reseıge aparyp, keıin Reseıdiń qorǵanys mınıstrligimen kelisimshartqa qol qoıǵyzýǵa májbúrleıtini jaıly jarııalaǵan jazbalary sebep bolǵanyn aıtady.

Astana qalalyq polıııa departamenti jýrnalıstke qatysty sotqa deıingi tergeý bastalǵanyn rastady. Tergeýdiń bastalýyna Oral qalasynyń turǵynynyń aryzy negiz bolǵan. Qylmystyq is «kórineý jalǵan aqparat taratý» baby boıynsha tirkelgen.

«Qylmystyq is aıasynda azamat A tergeý áreketterin júrgizý úshin polıııaǵa jetkizildi. Tergeý múddesine baılanysty ózge aqparat jarııa etilmeıdi», – delingen polıııa habarlamasynda.

Keıinirek Luqpan Ahmedııarovtyń ózi polıııa tergeýinen shyqqanyn, tergeý erteń jalǵasatynyn málimdedi.

“О́kinishke qaraı, tergeý málimetterin aıtýǵa quqyǵym joq. 274-baptyń 3-bóligi boıynsha qylmystyq is qozǵalǵanyn ǵana aıta alamyn. Meni qorǵanýǵa quqyǵy bar kýáger retinde polıııaǵa kúshtep jetkizdi. Árıne, men narazylyǵymdy aıttym», – dedi tergeýden shyqqannan keıin Luqpan Ahmedııarov.

Aıta keteıik, Luqpan Ahmedııarov – qazaqstandyq saıası jýrnalıst, qoǵam belsendisi, táýelsiz «Ýralskaıa nedelıa» gazetiniń burynǵy bas redaktory.