استانادا جىلدامدىعى جوعارى 10G ينتەرنەتى سىناقتان وتكىزىلەدى

استانا اكىمدىگى مەن Huawei Technologies Kazakhstan 10G ينتەرنەتىن ىسكە قوسۋدى كوزدەيتىن سىناق جوباسى تۋرالى كەلىسىمگە وتىردى, دەپ حابارلايدى Qandastar.kz اقپارات پورتالى قازاقستان ۇلتتىق تەلەارناسىنا سىلتەمە جاساپ.

ەكى تاراپ قۇجاتقا «قىتاي – ورتالىق ازيا» فورۋمى اياسىندا قول قويدى.

قۇجات قازاقستانداعى تسيفرلىق تەحنولوگيالار مەن تەلەكوممۋنيكاتسيالىق ينفراقۇرىلىمدى دامىتۋعا باعىتتالعان.

مەموراندۋم شەڭبەرىندە استانادا 10G كەڭ جولاقتى ينتەرنەت جەلىسىن پيلوتتىق رەجيمدە سىناقتان وتكىزۋ كوزدەلگەن. جوبا smart city شەشىمدەرىن دامىتۋعا, بايلانىس ساپاسى مەن تسيفرلىق قىزمەتتەردىڭ تۇراقتىلىعىن ارتتىرۋعا باعىتتالعان.