استاناداعى اۋەبازادا اسكەري قىزمەتكەر زارداپ شەكتى

استاناداعى اۋەبازاسىندا اسكەري قىزمەتكەر زارداپ شەكتى, دەپ حابارلايدى Qandastar.kz سايتى Stan.kz اقپارات اگەنتتىگىنە سىلتەمە جاساپ.

اۋە قورعانىسى كۇشتەرى ءباسپاسوز قىزمەتىنىڭ حابارلاۋىنشا, ەلورداداعى اسكەري اۆياتسيالىق بازانىڭ اۋماعىندا قارۋمەن جۇمىس ىستەۋ كەزىندە قاۋىپسىزدىك شارالارىن بۇزۋ سالدارىنان ءبىر اسكەري قىزمەتكەر زارداپ شەكتى.

«جابىرلەنۋشى دەرەۋ ەلورداداعى مەديتسينالىق مەكەمەگە جەتكىزىلدى, وندا وعان بارلىق قاجەتتى مەديتسينالىق كومەك كورسەتىلىپ جاتىر. ونىڭ جاعدايى اۋىر, بىراق تۇراقتى دەپ باعالاندى», – دەپ حابارلادى ۆەدومستۆو.

وقيعانىڭ ءمان-جايىن تولىق جانە وبەكتيۆتى انىقتاۋ ءۇشىن قىلمىستىق ءىس قوزعالدى.