استاناداعى اۆتوپارك اياعىن كەسۋگە ءماجبۇر بولعان 8 جاستاعى قىزعا ءومىر بويىنا قاراجات تولەيدى

ەلورداداعى اۆتوبۋس اپاتىندا 8 جاستاعى الۋا بەكەن زارداپ شەگىپ, دارىگەرلەر ونىڭ ەكى اياعىن كەسكەن بولاتىن, دەپ حابارلايدى Qandastar.kz اقپارات پورتالى.

الۋانىڭ اناسىنىڭ باۋىرى اۆتوپارك باسشىلىعىمەن كەزدەسكەندەرىن, ولار الۋانىڭ وتباسىن ءومىر بويى قامتاماسىز ەتۋگە ۋادە بەرگەندەرىن مالىمدەدى.

«بۇگىن №1 اۆتوپاركتىڭ باسقارما توراعاسى ماديار تۇقپاتوۆپەن ەموتسيونالدى ءارى كۇردەلى اڭگىمەلەسۋ ءوتتى. ءبىزدىڭ وتباسىلىق قايعىمىزعا, الۋاعا ادامشىلىقپەن قاراعاندارىن كوردىك. اۆتوپارك باسشىلىعى جول-كولىك اپاتىنا جاۋاپكەرشىلىك الىپ, الۋانىڭ دا, ماحابباتتىڭ باسقا ءتورت بالاسىنىڭ دا لايىقتى ءومىر ءسۇرۋىن اۆتوپارك ءومىر بويى قامتاماسىز ەتەتىن بولدى. شىعىنداردى تولەۋگە كەپىلدىك بەردى. قازىر ءبىز الۋا مەن ماحابباتتىڭ وتباسىنىڭ ءومىر بويعى شىعىندارىن ينفلياتسيانى ەسكەرە وتىرىپ ەسەپتەۋ ءۇشىن زاڭگەرلەر مەن ەكونوميستەرگە جۇگىندىك. ءبىزدىڭ كەلىسىم زاڭ تۇرعىسىنان قالاي بەكىتىلەتىنىن, اكىمدىك ونى قالاي ورىندايتىنىن حابارلاپ وتىراتىن بولامىز», — دەپ جازدى help.aluabeken پاراقشاسىنداعى جازبا اۆتورى.