جاڭالىقتار
استاناداعى بالاباقشادا ەكى ايەل ءبىر-ءبىرىن سوققىعا جىقتى
فوتو: ۆيدەو كادر
استاناداعى بالاباقشادا ەكى ايەلدىڭ اراسىندا توبەلەس بولدى, دەپ جازدى qandastar.kz
وقيعا استاناداعى «بالبوبەك» بالاباقشاسىندا بولعان. جەلىدە تاراعان ۆيدەودان ەكى ايەلدىڭ ءبىر-ءبىرىن جۇلقىلاپ, ۇرىپ-سوققانىن بايقاۋعا بولادى. ال ەكەۋىنىڭ جانىندا تۇرعان كىشكەنتاي قىز باعانانىڭ ارتىنا تىعىلىپ قالادى. سونداي-اق كادرلاردان ايەلدەردىڭ ءبىرىنىڭ اياعى اۋىر ەكەنىن كورۋگە بولادى.
جانجالعا نە سەبەپ بولعانى ازىرگە بەلگىسىز. دەگەنمەن ەكەۋى دە دەنە جاراقاتىن العانىن ايتىپ, پوليتسياعا ارىز ءتۇسىرىپتى.
«قاقتىعىسقا قاتىسۋشىلار دەنە جاراقاتتارى بويىنشا پوليتسياعا ارىز جازدى. اتالعان فاكتى بويىنشا تەكسەرۋ جۇرگىزىلۋدە, ونىڭ ناتيجەسى بويىنشا پروتسەسسۋالدىق شەشىم قابىلدانادى», – دەلىنگەن پوليتسيا دەپارتامەنتىنىڭ حابارلاماسىندا.
