استاناداعى بازاردا جۇقپالى اۋرۋعا شالدىققان مالدىڭ ەتى ساتىلعانى تۋرالى اقپارات تارادى

فوتو: pixabay

استاناداعى بازاردا جۇقپالى اۋرۋعا شالدىققان مالدىڭ ەتى ساتىلعانى تۋرالى اقپارات تارادى, دەپ حابارلايدى qandastar.kz Dalanews.kz-كە سىلتەمە جاساپ.

بىراق مەسسەندجەرلەر مەن الەۋمەتتىك جەلىلەردە استانا قالاسى «الەم» ساۋدا ورنىنا ءسىبىر جاراسى اۋرۋىنا شالدىققان مال ەتىنىڭ جەتكىزىلگەنى تۋرالى تاراعان اقپارات شىندىققا جاناسپايدى. بۇل تۋرالى ۆەتەريناريالىق باقىلاۋ جانە قاداعالاۋ كوميتەتى رەسمي مالىمدەدى.

بۇگىنگى كۇنگە دەيىن ەلورداداعى ساۋدا ورتالىقتارىندا, سونىڭ ىشىندە «الەم» ساۋدا ورنىندا جۇقپالى ەت ءونىمىنىڭ ساتىلۋى نەمەسە جەتكىزىلۋى تۋرالى ەشقانداي فاكت تىركەلگەن جوق. بارلىق جەتكىزىلگەن ەت ونىمدەرى مىندەتتى ۆەتەرينارلىق-سانيتارلىق تەكسەرۋدەن وتەدى. سوندىقتان تۇرعىنداردىڭ الاڭداۋىنا ەش نەگىز جوق.

«بۇعان دەيىن بىرەن-ساران جاعدايلار تىركەلگەن اتباسار اۋدانىندا كەشەندى دەزينفەكتسيالىق جۇمىستار تولىق اياقتالدى. قاۋىپتى ەت ونىمدەرى بەلگىلەنگەن سانيتارلىق تارتىپپەن جويىلدى. تۇرعىندار مەديتسينالىق تەكسەرۋدەن ءوتىپ جاتىر. ازاماتتاردى تەك رەسمي دەرەككوزدەرگە, ياعني, اۋىل شارۋاشىلىعى مينيسترلىگى مەن ۆەتەريناريالىق باقىلاۋ جانە قاداعالاۋ كوميتەتىنىڭ اقپاراتتارىنا سەنۋگە شاقىرامىز.

جالعان اقپارات تاراتۋ قازاقستان رەسپۋبليكاسى زاڭناماسىنا سايكەس جاۋاپكەرشىلىككە اكەلەتىنىن ەسكەرتەمىز», — دەيدى ۆەدومستۆو وكىلدەرى.