جاڭالىقتار
استاناداعى ەسىل وزەنىندە سۋ دەڭگەيى كوتەرىلدى
قازگيدرومەت» رمك دەرەكتەرىنە سايكەس قالا اۋماعىندا ورنالاسقان ەسىل وزەنىنىڭ گيدروپوستتارىندا سۋدىڭ ورتاشا دەڭگەيى 615 سم بولدى. «سۋ دەڭگەيىنىڭ شامالى كوتەرىلۋى تەمپەراتۋرالىق فوننىڭ جوعارىلاۋىمەن, سۋ تاسقىنى كەزەڭىنىڭ باستالۋىمەن, ەسىل وزەنىنىڭ ارناسىنداعى مۇزدىڭ ەرۋىنە بايلانىستى. سۋ تاسقىنىنىڭ قاۋىپتى دەڭگەيى ءوتتى», – دەلىنگەن تجد حابارلاماسىندا. قازىرگى ۋاقىتتا ەسىل وزەنىنىڭ ارناسىنداعى بۇيىرلىك اعىنداردىڭ (ەرىگەن قاردان, مۇزدان) قىسقارۋى بايقالۋدا, وسىعان بايلانىستى جاقىن ارادا وسى سۋ ايدىنىنداعى سۋ دەڭگەيى تومەندەيدى دەپ بولجاندى. تجد وكىلدەرىنىڭ مالىمەيىنشە, استانا قالاسى بويىنشا سۋ تاسقىنى جاعدايى تۇراقتى, ەلوردادا تۇرعىن ۇيلەر مەن باسقا دا نىسانداردى سۋ باسۋ قاۋپى جوق.
