جاڭالىقتار
استاناداعى قوقىس: «جاڭا ادامدار» ۇيىندىدەن اكىم ورىنباسارىنىڭ پورترەتىن جاسادى
فوتو: جەكە قورىنان
«جاڭا ادامداردىڭ» AntiTrash ازاماتتىق ناۋقانى رۇقسات ەتىلمەگەن قوقىس ۇيىندىلەرىمەن كۇرەسۋدى جالعاستىرادى. بەلسەندىلەر رەيدتەر بارىسىندا استانانىڭ ەسىل اۋدانىنان ءىرى قوقىس الاڭدارىنىڭ ءبىرىن انىقتادى, جەرگىلىكتى تۇرعىنداردىڭ ايتۋىنشا, قوقىس ورنى ءبىر جىلدان استام ۋاقىتتان بەرى بار. اكىمدىكتىڭ ۋادەسىنە قاراماستان, قوقىس شىعارىلماي, جينالىپ جاتىر, دەپ جازدى qandastar.kz
2024 جىلدىڭ باسىنان بەرى استانادا 221 زاڭسىز قوقىس الاڭى انىقتالدى. ەسىل اۋدانىنداعىداي, ولاردىڭ كەيبىرىمەن جۇمىس 2028 جىلعا قاراي جوسپارلانۋدا. دەمەك, جاقىن ماڭدا ورنالاسقان «Capital Park» تۇرعىن ءۇي كەشەنىنىڭ تۇرعىندارى كەمىندە ءۇش جىل قوقىس جانىندا تۇراتىن بولادى.
«جاڭا ادامدار» وسى اۋماقتىڭ سانيتارلىق جاعدايىنا جاۋاپتى ەسىل اۋدانى اكىمىنىڭ ورىنباسارى ماديار نۋگەربەكوۆكە جۇگىندى. بەلسەندىلەر تۇرعىنداردىڭ نازارىن اۋدارۋ ءۇشىن قوقىس ءۇيىندىسى اۋماعىنداعى قوقىستاردان ارت-ينستاللياتسيانى – اكىم ورىنباسارىنىڭ پورترەتىن جاسادى. «استانالىقتار ءسىزدى قوقىس الاڭىمەن ەسكە العانىن قالامايتىنىڭىزدى جانە زاڭسىز ءۇيىندىنى جويۋ ءۇشىن ناقتى شارالار قابىلدايتىنىڭىزعا سەنىمدىمىز», – دەدى جوبا كوشباسشىسى باۋىرجان امانوۆ.
سوڭعى كەزدەرى استانادا رۇقسات ەتىلمەگەن قوقىس الاڭدارى ماسەلەسى قوعامدىق قىسىممەن عانا شەشىمىن تابۋدا. AntiTrash ازاماتتىق ناۋقانى جاۋاپتىلاردى قوقىستان پورترەتتەرى پايدا بولۋىن كۇتپەي, قازاقستاندىقتاردىڭ تەرەزەلەرى الدىنداعى قوقىس ۇيىندىلەرىن جويۋ بويىنشا ءوز مىندەتتەمەلەرىن الدىن الا ورىنداۋعا شاقىرادى.
