الەم جاڭالىقتارىجاڭالىقتار
استاناداعى لەد-ەكرانداردىڭ بىرىندە رەسەي تۋىنىڭ ورنىنا ۋكراينا تۋى قويىلعان
فوتو: سكرين
الەۋمەتتىك جەلىدە استاناداعى لەد-ەكرانداردىڭ بىرىندە رەسەي تۋىنىڭ ورنىنا ۋكراينا تۋى قويىلعانى تۇسىرىلگەن ۆيدەو تارادى, دەپ جازدى qandastar.kz
جەلىدە تاراعان ۆيدەودان استانا وپەرا تەاتى ماڭىنداعى لەد-ەكراننان كوك جانە سارى ءتۇستى ۋكراينا تۋىن انىق بايقاۋعا بولادى. ۆيدەونىڭ جازباسىندا مۇنىڭ حاكەرلەردىڭ ءىسى ەكەنى جازىلعان.
الايدا لەد-ەكرانعا جاۋاپتى “كەرۋەن مەديا” كومپانياسىنىڭ وكىلىنىڭ ايتۋىنشا, بۇل جاعداي كابەلدىك اقاۋلارعا بايلانىستى ورىن العان.
«ساعات 16.30-دا «كەرۋەن مەديا» LED-ەكرانىندا رەسەي تۋىنىڭ جوعارعى سەگمەنتىندە بەينەلەنگەن كابەل تۇيىقتالىپ, اق ءتۇس ءوشىپ قالعان, سوندىقتان ەلەكتر قۋاتى جۇكتەلگەن كەزدە ءتۇس رەڭى وزگەرىپ, جارقىرايدى. وسىلايشا, ۇيالى تەلەفونمەن تۇسىرىلىگەن ۆيدەونى كورگەن كەزدە قىزىل ءتۇس كوزگە سارى بولىپ كورىنەدى», – دەيدى «كەرۋەن مەديا» ديرەكتورىنىڭ تەحنيكالىق ماسەلەلەر جونىندەگى ورىنباسارى مۇحتار بەكبوسىنوۆ قازتاگ باسىلىمىنا بەرگەن سۇحباتىندا.
