Astanadaǵy led-ekrandardyń birinde Reseı týynyń ornyna Ýkraına týy qoıylǵan

Foto: skrın

Áleýmettik jelide Astanadaǵy led-ekrandardyń birinde Reseı týynyń ornyna Ýkraına týy qoıylǵany túsirilgen vıdeo tarady, dep jazdy qandastar.kz

Jelide taraǵan vıdeodan Astana opera teaty mańyndaǵy led-ekrannan kók jáne sary tústi Ýkraına týyn anyq baıqaýǵa bolady. Vıdeonyń jazbasynda munyń hakerlerdiń isi ekeni jazylǵan.

Alaıda led-ekranǵa jaýapty “Kerýen Medıa” kompanııasynyń ókiliniń aıtýynsha, bul jaǵdaı kabeldik aqaýlarǵa baılanysty oryn alǵan.

«Saǵat 16.30-da «Kerýen Medıa» LED-ekranynda Reseı týynyń joǵarǵy segmentinde beınelengen kabel tuıyqtalyp, aq tús óship qalǵan, sondyqtan elektr qýaty júktelgen kezde tús reńi ózgerip, jarqyraıdy. Osylaısha, uıaly telefonmen túsiriligen vıdeony kórgen kezde qyzyl tús kózge sary bolyp kórinedi», – deıdi «Kerýen Medıa» dırektorynyń tehnıkalyq máseleler jónindegi orynbasary Muhtar Bekbosynov QazTAG basylymyna bergen suhbatynda.