Astanadaǵy LRT qashan iske qosylady?

Foto: ashyq derekkóz

Astanadaǵy jeńil relsti kólik (LRT) jobasy bıyl qyrkúıek aıynda iske qosylady. Bul týraly CTS JShS basqarma tóraǵasy Asylbek Dúısebaev málimdedi, – dep habarlaıdy qandastar.kz

Joba týraly aqparat Premer-Mınıstr Oljas Bektenovtiń elordanyń ınfraqurylymdyq jobalaryn tekserý sapary barysynda aıtyldy. CTS basshysynyń aıtýynsha, qazirgi ýaqytta LRT júıesi GoA4 halyqaralyq standartyna saı keletin synaq kezeńinen ótýde. Aldaǵy ýaqytta jolaýshysyz poıyzdardy testilik rejımde iske qosý josparlanyp otyr.

Sonymen qatar Premer-Mınıstrge LRT boıyndaǵy aýmaqty abattandyrý jobasy tanystyryldy. Áýejaıdan Rysqulov kóshesine deıin iri aǵashtar men kópjyldyq butalar otyrǵyzylyp, avtomatty sýarý júıesin ornatý josparlanǵan. Qabanbaı batyr dańǵyly boıymen Syǵanaq kóshesine deıingi aýmaq balalar jáne sport alańdary, jaıaý júrginshiler joldary qoǵamdyq keńistikterge bólingen. Ári qaraı jolaýshylar aǵyny belsendi 2-temirjol vokzalyna deıin keń avtoturaqtar, velosıpedke arnalǵan joldar jasalyp, kógaldandyrý qarastyrylǵan.