استاناداعى LRT قۇرىلىسى قاشان اياقتالادى?

فوتو: Sputnik / ۆلاديسلاۆ ۆودنەۆ

LRT جەلىسى ستانسالارىنىڭ تەمىربەتوندى نەگىزگى قۇرىلىستارى 100% اياقتالدى, – دەپ حابارلايدى qandastar.kz cts.gov.kz-كە سىلتەمە جاساپ.

جۇمىستار اياسىندا ءمونوليتتى قاڭقالار, كوتەرگىش ارقالىقتار, پلاتفورمالاردىڭ تەمىربەتوندى كونسترۋكتسيالارى, ريگەلدەر جانە باسقا دا ەلەمەنتتەر سالىندى. بۇل ءۇشىن ۆ45 ماركالى 79 971 تەكشە مەتر بەتون مەن 9,59 مىڭ توننا ارماتۋرا قولدانىلعان.

– LRT جەلىسى كوپدەڭگەيلى زالدارى مەن پلاتفورمالارى بار 18 ستانسادان تۇرادى, ولار ەكى تۇرگە بولىنەدى: جەردەگى (11 ستانسا) جانە جەر ءۇستى (7 ستانسا).جەر ءۇستى ستانسالارىنىڭ ەرەكشەلىكتەرى:

سىعاناق كوشەسىندە (2 ستانسا), ش. قالداياقوۆ كوشەسىندە (4 ستانسا) جانە «نۇرلى جول» تەمىرجول ۆوكزالى اۋدانىندا (1 ستانسا) ورنالاسقان ستانسالار جولعا ورتالىقتاندىرىلعان ورنالاسۋىمەن ەرەكشەلەنەدى. ستانسالارعا قاۋىپسىز كىرۋ ءۇشىن جەر ۇستىنەن وتەتىن ەكى وتكەل قاراستىرىلعان. بارلىعى – 14 وتكەل.

بيىل №101 ستانساسىنىڭ (100% دايىن) قاسبەت جۇمىستارى اياقتالدى, وعان 497,51 توننا مەتالل كونسترۋكتسيالارىن ورناتۋ جانە سىرتقى پانەلدەر مەن ۆيتراجداردى قاپتاۋ (4 765 م²) كىرەدى. №109 جانە №112 ستانسالارىندا 1 210,22 توننا مەتالل كونسترۋكتسيالارى ورناتىلدى, – دەلىنگەن  City Transportation Systems  جسش تاراتقان اقپاراتتا.

2025 جىلى بارلىق ستانسالاردىڭ قۇرىلىسى تولىعىمەن اياقتالادى دەپ جوسپارلانىپ وتىر. ونىڭ ىشىندە:

• قاسبەتتەردىڭ مونتاجى,
• جەر ۇستىنەن وتەتىن وتكەلدەردىڭ قۇرىلىسى,
• ىشكى ارلەۋ جۇمىستارى,
• جاقىن اۋماقتاردى اباتتاندىرۋ.