Astanadaǵy LRT qurylysy qashan aıaqtalady?

Foto: Sputnik / Vladıslav Vodnev

LRT jelisi stansalarynyń temirbetondy negizgi qurylystary 100% aıaqtaldy, – dep habarlaıdy qandastar.kz cts.gov.kz-ke silteme jasap.

Jumystar aıasynda monolıtti qańqalar, kótergish arqalyqtar, platformalardyń temirbetondy konstrýkııalary, rıgelder jáne basqa da elementter salyndy. Bul úshin V45 markaly 79 971 tekshe metr beton men 9,59 myń tonna armatýra qoldanylǵan.

– LRT jelisi kópdeńgeıli zaldary men platformalary bar 18 stansadan turady, olar eki túrge bólinedi: jerdegi (11 stansa) jáne jer ústi (7 stansa).Jer ústi stansalarynyń erekshelikteri:

Syǵanaq kóshesinde (2 stansa), Sh. Qaldaıaqov kóshesinde (4 stansa) jáne «Nurly jol» temirjol vokzaly aýdanynda (1 stansa) ornalasqan stansalar jolǵa ortalyqtandyrylǵan ornalasýymen erekshelenedi. Stansalarǵa qaýipsiz kirý úshin jer ústinen ótetin eki ótkel qarastyrylǵan. Barlyǵy – 14 ótkel.

Bıyl №101 stansasynyń (100% daıyn) qasbet jumystary aıaqtaldy, oǵan 497,51 tonna metall konstrýkııalaryn ornatý jáne syrtqy panelder men vıtrajdardy qaptaý (4 765 m²) kiredi. №109 jáne №112 stansalarynda 1 210,22 tonna metall konstrýkııalary ornatyldy, – delingen  City Transportation Systems  JSSh taratqan aqparatta.

2025 jyly barlyq stansalardyń qurylysy tolyǵymen aıaqtalady dep josparlanyp otyr. Onyń ishinde:

• qasbetterdiń montajy,
• jer ústinen ótetin ótkelderdiń qurylysy,
• ishki árleý jumystary,
• jaqyn aýmaqtardy abattandyrý.