جاڭالىقتار
استاناداعى ءتورت بالانىڭ ولىمىنە سەبەپ بولعان ءورت بويىنشا تەرگەۋ باستالدى
فوتو: اشىق دەرەككوز
قالالىق تجد تەرگەۋ ءبولىمى وقيعانى تەرگەۋمەن اينالىسادى. دەپارتامەنت ءىستىڭ قر قك 292-بابى ء(ورت قاۋىپسىزدىگى تالاپتارىن بۇزۋ) بويىنشا جۇرگىزىلگەنىن حابارلادى, دەپ جازادى qandastar.kz
«ەكى قاباتتى تۇرعىن ۇيدە ءورتتىڭ بولۋىنا جانە ونىڭ سالدارىنان بالالاردىڭ قازا تابۋىنا بايلانىستى ءورت قاۋىپسىزدىگى تالاپتارىنىڭ بۇزىلۋى فاكتىسى بويىنشا تجد تەرگەۋ ءبولىمى قر قىلمىستىق كودەكسىنىڭ 292-بابىنىڭ 3-بولىگىنە سايكەس قىلمىستىق ءىس قوزعادى. بۇل باپ ءورت قاۋىپسىزدىگى تالاپتارىن بۇزعانى ءۇشىن بەس جىلدان ون جىلعا دەيىنگى مەرزىمگە باس بوستاندىعىنان ايىرۋدى قاراستىرادى, سونداي-اق ءۇش جىلعا دەيىنبەلگىلى ءبىر قىزمەتپەن اينالىسۋ قۇقىعىنان ايىرۋ مۇمكىندىگىن قامتيدى», – دەپ حابارلادى استانا تجد ءباسپاسوز قىزمەتى.
قۇقىق قورعاۋ ورگاندارى تەرگەۋ اياقتالعاننان كەيىن وقيعا بويىنشا ناتيجەلەردى جاريالايتىنىن مالىمدەدى.
17 قاراشادا استانا قالاسىنداعى جەكە ەكى قاباتتى تۇرعىن ۇيدە بولعان. ءورت ءۇيدىڭ شاتىرىن قامتىپ, ونىڭ ءبىر بولىگى قۇلاپ كەتكەن. وقيعا سالدارىنان 2 جاستان 13 جاسقا دەيىنگى بالالار قازا بولدى.
ءۇش ۇل مەن ءبىر قىز. ءۇي ورتەنگەن ۋاقىتتا وزدەرىنەن باسقا ەشكىم بولماعان. بالالاردىڭ اناسى ولاردى جالعىز اسىراعان. ءورت بولعان ۋاقىتتا جۇمىستا بولىپتى.
