جاڭالىقتار
استانادان پاۆلودارعا جولعا شىققان وتباسى جوعالىپ كەتتى
فوتو: اشىق دەرەككوز
ولاردى ەرىكتىلەر مەن پوليتسيا بىرگە ىزدەستىرىپ جاتىر, دەپ جازدى qandastar.kz
SMARTNEWS.KZ باسىلىمىنىڭ حابارلاۋىنشا, استانا قالاسىنان پاۆلودارعا باعىت العان ءۇش ادام ءىز-ءتۇزسىز جوعالىپ كەتتى. ولاردى ەرىكتىلەر مەن پوليتسيا قىزمەتكەرلەرى ىزدەستىرىپ جاتىر. پاۆلودارداعى Vita ىزدەۋ ۇيىمىنىڭ Instagram جەلىسىندەگى مالىمەتىنە سايكەس, 71 جاستاعى بەيبىتكۇل مۇحامەدجانوۆا, ونىڭ 44 جاستاعى ۇلى باۋىرجان سماعۇل جانە 39 جاستاعى قىزى ءاليا مۇحامەدجانوۆا 2025 جىلعى 10 اقپاندا جولعا شىعىپ, سودان بەرى حابار-وشارسىز كەتكەن.
جوعالعان ازاماتتاردىڭ سىرتقى كەلبەتى مەن كيىمى: بەيبىتكۇل مۇحامەدجانوۆا: ۇزىن قارا ءتۇستى ىشىك, قارا ۆەليۋر شالبار, قارا ەتىك. قاسىندا قويۋ جاسىل ءتۇستى سومكەسى بولعان. باۋىرجان سماعۇل: قارا ءتۇستى كۋرتكا (نوركا جاعالى), قارا دجينسى, قارا باس كيىم جانە قارا اياق كيىم. ءاليا مۇحامەدجانوۆا: تىزەدەن تومەن تۇسەتىن سۇر ىشىك, قارا شالبار, اق باس كيىم جانە قارا ەتىك.
وسى ازاماتتار جايلى قانداي دا ءبىر اقپارات بىلەتىندەر تومەندەگى نومىرلەرگە حابارلاسۋى سۇرالادى: 📞 كاتەرينا: +7 747 615 55 63 📞 سۆەتلانا: +7 777 334 82 01 📞 پوليتسيا (102)
