جاڭالىقتار
استانالىق ايەلدى ءولتىرىپ, ءوزى تەرەزەدەن سەكىرىپ كەتكەن
فوتو: اشىق دەرەككوز
استاناداعى ەليتالىق تۇرعىن ءۇي كەشەنىندە جان تۇرشىگەرلىك وقيعا بولدى, دەپ حابارلايدى qandastar.kz
36 جاستاعى ازامات جانجال كەزىندە ازاماتتىق نەكەدەگى ايەلىنە پىشاق سالىپ, ارتىنشا كوپقاباتتى ءۇيدىڭ ەڭ جوعارى قاباتىنان سەكىرىپ كەتكەن. اۋىر جاراقاتپەن اۋرۋحاناعا جەتكىزىلگەن كۇدىكتى قازىر ءتارتىپ ساقشىلارىنىڭ باقىلاۋىندا.
قايعىلى وقيعا 19 ماۋسىم كۇنى كۇندىز بولعان. پاتەر ىشىندەگى جانجالعا بالالاردىڭ ءبىرى كۋا بولعان. 33 جاستاعى ايەل وقيعا ورنىندا جان تاپسىردى. ەكى ۇل – 7 جانە 10 جاستاعى بالالار اناسىنان ايىرىلىپ قالدى. جەلىدە تاراعان دەرەكتەرگە قاراعاندا, وتباسىلىق جانجالدىڭ ءتۇپ-توركىنى — قارجى ماسەلەلەرى بولۋى مۇمكىن.
قازىر قىلمىستىق ءىس قوزعالدى. تەرگەۋ ورگاندارى وقيعانىڭ بارلىق ءمان-جايىن انىقتاپ جاتىر.
