Astanalyq áıeldi óltirip, ózi terezeden sekirip ketken

Foto: ashyq derekkóz

Astanadaǵy elıtalyq turǵyn úı kesheninde jan túrshigerlik oqıǵa boldy, dep habarlaıdy qandastar.kz

36 jastaǵy azamat janjal kezinde azamattyq nekedegi áıeline pyshaq salyp, artynsha kópqabatty úıdiń eń joǵary qabatynan sekirip ketken. Aýyr jaraqatpen aýrýhanaǵa jetkizilgen kúdikti qazir tártip saqshylarynyń baqylaýynda.

Qaıǵyly oqıǵa 19 maýsym kúni kúndiz bolǵan. Páter ishindegi janjalǵa balalardyń biri kýá bolǵan. 33 jastaǵy áıel oqıǵa ornynda jan tapsyrdy. Eki ul – 7 jáne 10 jastaǵy balalar anasynan aıyrylyp qaldy. Jelide taraǵan derekterge qaraǵanda, otbasylyq janjaldyń túp-tórkini — qarjy máseleleri bolýy múmkin.

Qazir qylmystyq is qozǵaldy. Tergeý organdary oqıǵanyń barlyq mán-jaıyn anyqtap jatyr.