Astanalyq nesıe alamyn dep alaıaqqa aldandy

Kúdiktiniń «Damý» memlekettik baǵdarlamasy boıynsha tómen paıyzda kredıt rásimdeýge kómek berem dep syltaýratyp, alaıaqtyq jolmen jábirlenýshiden 7 mln teńge aqsha alǵany anyqtaldy.

Jábirlenýshiniń aıtýynsha, alaıaq qalanyń eki bankine kredıt berý boıynsha suranym bergen. Eki bank te kredıtti maquldaǵan, alaıda alaıaq bir banktiń aqshasyn jábirlenýshige berip, ekinshi banktiń aqshasyn ózinde qaldyrǵan.

Keıin bankten kelgen kredıttiń tólemin kórgen jábirlenýshi polıııaǵa júginedi. «Qylmysty toqtatý» jedel aldyn alý sharasynyń barysynda Saryarqa aýdany PB-nyń qyzmetkerleri elorda turǵynynyń senimin paıdalanyp, onyń aqshasyn alaıaqtyq jolmen ıemdenip ketken 37 jastaǵy áıel adamdy anyqtap, ustady.

Kúdiktiniń taǵy uqsas eki epızodqa qatysy bar ekeni anyqtaldy. Qazirgi ýaqytta atalmysh fakti boıynsha sotqa deıingi tergeý amaldary júrgizilýde.