جاڭالىقتار
استانالىق وقۋشى ۇبت-دان 140 بالل جينادى
استاناداعى دارىندى قىز بالالارعا ارنالعان «ءبىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى جانايىم راشيت ۇلتتىق بىرىڭعاي تەستىلەۋدەن 140 بالل جينادى, دەپ حابارلادى Qandastar.kz اقپارات پورتالى.
«بۇل قۋانىشتى جاڭالىق — تەك جانايىمنىڭ قاجىرلى ەڭبەگى مەن بىلىمگە دەگەن ىنتا-جىگەرىنىڭ, ماقساتكەرلىگىنىڭ جەمىسى عانا ەمەس, سونىمەن قاتار باعىت-باعدار بەرگەن ۇلاعاتتى ۇستازدارى مەن قولداۋىن اياماعان اتا-اناسىنىڭ دا زور ەڭبەگىنىڭ ناتيجەسى ەكەنى ءسوزسىز.
جانايىم جانيبەكقىزى الداعى ۇلكەن ءومىر جولىندا تولاعاي تابىس, بيىك بەلەستەر مەن جارقىن بولاشاق تىلەيمىن! ەلىمىزدىڭ ءبىلىمدى, باسەكەگە قابىلەتتى جاستارى قاتارىنان كورىنىپ, ەل ءۇمىتىن اقتاي بەرىڭىز!», — دەپ جازدى قاسىمحان سەنعازى ۇلى.
