Astanalyq turǵyn bastyǵynyń kólikterin satyp, kıller jaldap óltirmek bolǵan

Foto: vıdeodan kadr

Astanada bastyǵynyń 18 kóligin satyp jiberip, muny jasyrý úshin onyń kózin joıýǵa tapsyrys bergen jigit sottalsa da, jábirlenýshiniń múlki ózine qaıtarylmaǵan. Sottalýshy mashınalardy zańsyz jolmen arzan baǵamen tanystaryna satqan kórinedi. Keıin olar da ústine aqsha qosyp, kólikter ózge adamdardyń qolyna ótken. Bul týraly qandastar.kz aqparat agenttigi KTK arnasyna silteme jasap habarlaıdy.

Málimetterge sensek, Sergeı Lıtvınev Astanada kólikterdi jalǵa berýmen aınalysady. Ol byltyr qazan aıynda bir ólimnen aman qalǵan. Senimge kirgen qol astyndaǵy qyzmetker kıller jaldap, ony óltirýge tapsyrys beredi. Sóıtip qylmysker jábirlenýshige tıesili kólikterdi zańsyz satqanyn jasyrmaq bolǵan. Ol avtoparktegi 31 mashınanyń 18-in óz tanystaryna naryqtaǵydan arzan baǵaǵa usynyp úlgergen.

Sergeı Lıtvınevtiń aıtýynsha, qyzmetkeri jalǵan buıryq shyǵaryp, onyń atynan senimhat jasap alǵan.

«О́zi buıryq shyǵaryp, meniń atymnan senimhat jasap alǵan. Sosyn kólikterdi óz atyna aýdaryp, ózge adamdarǵa satqan. Biz mashınany 6-7 mıllıon teńgege alsaq, ol 3-4 mıllıon teńgeden saýdalaǵan. Sóıtip meniń kompanııama tıesili kólikter birneshe adamǵa satylyp ketken», – dedi kásipker.

О́kinishke qaraı, kásipker múlkin qaıtara almaı álekke túsken. Sotqa júgingenimen, onda mashınalardy qazirgi ıesine qaldyrý týraly sheshim shyǵarylypty. Al kásipker ekonom-klasc kólikterdi satyp alý úshin qomaqty nesıe alǵan. Tipti úıin de kepilge qoıypty.

«Kólikterdiń bir bóligin óz aqshama, qalǵanyn nesıege alǵanmyn. Aı saıyn 1 mıllıon 400 myń teńge tólem jasap otyrmyn. Úıimiz de kepilde tur. Osy jaǵdaıdyń kesirinen bankrottyń aldynda turmyz», – dedi Sergeı Lıtvınev.

Aıta keteıik, qylmys byltyr qazan aıynda áshkerelengen. Kásipker ózin óltirýdi josparlap jatqanyn estip polıeılerge habar bergen. Sóıtip tapsyrys berýshi men kıller qylmys ústinde quryqtaldy. Olardyń biri 12 jylǵa, ekinshisi 10 jylǵa sottalǵan.

Al zańsyz satylǵan kólikterdiń isi bólek qaralypty. Onda mashınalardy satý jónindegi bastapqy kelisimder zańsyz dep tanylǵanymen, keıingi satyp alýshylardyń esh kinási joǵy dáleldengen.

Astana qalasynyń azamattyq ister jónindegi aýdanaralyq soty bul jaǵdaıda jaýapkerler qylmyskerdiń aram pıǵyly týraly bilmegenin aıtady.

«Jaýapkerler qylmyskerdiń aram pıǵyly týraly bilmegen. Olar kólikti satyp almas buryn ábden teksergen, qujattaryn zerttegen, múliktiń kepilde turmaǵanyna kóz jetkizgen. Olar qazir kóliktiń zańdy ıeleri. Talapker keıingi satyp alýshylardyń avtokólikterdi zańsyz ıemdengeni týraly dálelder usynǵan joq», – dedi Astana qalasynyń azamattyq ister jónindegi aýdanaralyq soty.

Al óz kompanııasyna tıesili kólikterdiń satylýyna eshqandaı kelisim bermegen kásipker sot sheshimimen múldem kelispeıdi. Onyń endigi úmiti — apellıaııalyq sot. Kásipker ádildik ornap, 18 mashına ózime qaıtarylsa deıdi. Oǵan kelgen jalpy shyǵyn 80 mıllıon teńge.

Eske salaıyq, buǵan deıin batysqazaqstandyq polıeıler jedel is-sharalar barysynda Batys Qazaqstan oblysynda polıııa tapsyryspen kisi óltirmek bolǵan adamnyń jolyn kesti. Qylmysty uıymdastyrdy degen kúdikpen oblystyń eki turǵyny ustaldy. Al tapsyrys berýshi kúıeýimen múlikti bóliskisi kelmegen áıel eken. ​Kúdiktilerden olardyń kinásin rastaıtyn zattaı dálelder tárkilendi.