جاڭالىقتار
استانالىق جەڭگەتايلىقپەن 2 ملرد تەڭگەدەن استام قاراجات تاپقان
فوتو: اشىق دەرەككوز
قما استانالىق دەپارتامەنتى بودي ماسساج تۇرىندە جەزوكشەلىكپەن اينالىسۋ ءۇشىن پريتوندى ۇيىمداستىرىپ, الىنعان قىلمىستىق كىرىستەردى زاڭداستىرۋ سحەماسىن انىقتادى, دەپ جازادى qandastar.kz
2021-2023 جىلدار ارالىعىندا استانا تۇرعىنى جەزوكشەلىكپەن اينالىسۋ ءۇشىن پريتون ۇيىمداستىرىپ, 2 ملرد تەڭگە قىلمىستىق تابىس العان.
پاراللەلدى قارجىلىق تەرگەۋ كۇدىكتىنىڭ شوتتارىنا تۋىستارى مەن سەنىمدى تۇلعالارىنىڭ بانكتىك دەرەكتەمەلەرىن پايدالانا وتىرىپ, زاڭداستىرۋدىڭ كۇردەلى سحەمالارى ارقىلى تۇسكەن بارلىق قىلمىستىق تابىستى انىقتاۋعا مۇمكىندىك بەردى.
قىلمىستىق تابىستى زاڭداستىرۋ ماقساتىندا كۇدىكتى ءوز اتىنا جشس تىركەپ, اۋىل شارۋاشىلىعى داقىلدارىن ساتىپ الىپ, قايتا ساتقان. وسىلايشا, ول 88,5 ملن تەڭگەنى زاڭداستىرىپ, 95 ملن تەڭگە قىلمىستىق تابىسقا قول جەتكىزگەن.
قىلمىستىق جولمەن الىنعان قاراجاتقا كۇدىكتى:
– 350 ملن تەڭگەگە سالىنىپ جاتقان وبەكتىدەگى اۋدانى 500 ش.م. كوممەرتسيالىق ءۇي-جاي;
– 92 ملن تەڭگەگە ءوز بالاسىنا كۇتىم جاساپ جۇرگەن جالدامالى قىزمەتكەرگە تىركەلگەن جالپى اۋدانى 329,1 ش.م. 5 ەكى بولمەلى پاتەر;
– 667,5 ملن تەڭگەگە استانا قالاسىندا جالپى اۋدانى 784 ش.م. جەر ۋچاسكەلەرى بار ەكى كوتتەدج;
– 335,4 ملن تەڭگەگە ەلوردانىڭ ەليتالىق تۇرعىن ءۇي كەشەندەرىندە جالپى اۋدانى 292 ش.م. 2 پاتەر مەن تۇراق ورىن;
– 114 ملن تەڭگەگە G63 ماركالى Mercedes Benz اۆتوكولىگىن ساتىپ العان.
سونىمەن قاتار, ءتىنتۋ كەزىندە 50 ملن تەڭگە مەن باعالى زەرگەرلىك بۇيىمدار تابىلىپ, ولارعا تىيىم سالىندى.
تەرگەۋدىڭ باستالعانىن بىلگەن كۇدىكتى تاركىلەۋدەن جالتارۋ ءۇشىن 5 ەكى بولمەلى پاتەردى 143,5 ملن تەڭگەگە قايتا ساتىپ 51,5 ملن تەڭگە قوسىمشا قىلمىستىق تابىس تاپقان.
سوت ۇكىمىمەن ول جەزوكشەلىكپەن اينالىسۋ ءۇشىن پريتون ۇيىمداستىرعانى جانە قىلمىستىق جولمەن الىنعان قاراجاتتى زاڭداستىرعانى ءۇشىن (قر قك 309-باپ, 218-باپ 3-تارماعى) 6 جىلعا باس بوستاندىعىنان ايىرىلىپ, مۇلكى مەن پاتەرلەردى ساتۋ ارقىلى الىنعان اقشاسى تاركىلەندى.
تەرگەۋ ناتيجەسىندە قىلمىستىق جولمەن تاپقان 2 ملرد تەڭگەدەن اساتىن قاراجاتقا ساتىپ الىنعان بارلىق م ۇلىك پەن سول م ۇلىكتەن تۇسكەن كىرىستەرى انىقتالىپ, تاركىلەندى.
سونىمەن قاتار, پاتەرلەردىڭ يەلەرى تۋرالى جالعان اقپارات بەرگەن بالا كۇتىمى بويىنشا جالدانعان قىزمەتكەرگە قاتىستى تەرگەۋ باستالدى.
ەگەر ءسىز ەكونوميكالىق قۇقىق بۇزۋشىلىقتار فاكتىلەرى جايلى بىلسەڭىز, «افم Insider» تەلەگرام بوتىنا حابارلاۋىڭىزدى سۇرايمىز.
انونيمدىلىككە كەپىلدىك بەرىلەدى.
