Astanalyq  jeńgetaılyqpen 2 mlrd teńgeden astam qarajat tapqan

Foto: ashyq derekkóz

QMA Astanalyq departamenti bodı massaj túrinde jezókshelikpen aınalysý úshin prıtondy uıymdastyryp, alynǵan qylmystyq kiristerdi zańdastyrý shemasyn anyqtady, dep jazady qandastar.kz

2021-2023 jyldar aralyǵynda Astana turǵyny jezókshelikpen aınalysý úshin prıton uıymdastyryp, 2 mlrd teńge qylmystyq tabys alǵan.

Paralleldi qarjylyq tergeý kúdiktiniń shottaryna týystary men senimdi tulǵalarynyń banktik derektemelerin paıdalana otyryp, zańdastyrýdyń kúrdeli shemalary arqyly túsken barlyq qylmystyq tabysty anyqtaýǵa múmkindik berdi.

Qylmystyq tabysty zańdastyrý maqsatynda kúdikti óz atyna JShS tirkep, aýyl sharýashylyǵy daqyldaryn satyp alyp, qaıta satqan. Osylaısha, ol 88,5 mln teńgeni zańdastyryp, 95 mln teńge qylmystyq tabysqa qol jetkizgen.

Qylmystyq jolmen alynǵan qarajatqa kúdikti:

– 350 mln teńgege salynyp jatqan obektidegi aýdany 500 sh.m. kommerııalyq úı-jaı;

– 92 mln teńgege óz balasyna kútim jasap júrgen jaldamaly qyzmetkerge tirkelgen jalpy aýdany 329,1 sh.m. 5 eki bólmeli páter;

– 667,5 mln teńgege Astana qalasynda jalpy aýdany 784 sh.m. jer ýchaskeleri bar eki kottedj;

– 335,4 mln teńgege elordanyń elıtalyq turǵyn úı keshenderinde jalpy aýdany 292 sh.m. 2 páter men turaq oryn;

– 114 mln teńgege G63 markaly Mercedes Benz avtokóligin satyp alǵan.

Sonymen qatar, tintý kezinde 50 mln teńge men baǵaly zergerlik buıymdar tabylyp, olarǵa tyıym salyndy.

Tergeýdiń bastalǵanyn bilgen kúdikti tárkileýden jaltarý úshin 5 eki bólmeli páterdi 143,5 mln teńgege qaıta satyp 51,5 mln teńge qosymsha qylmystyq tabys tapqan.

Sot úkimimen ol jezókshelikpen aınalysý úshin prıton uıymdastyrǵany jáne qylmystyq jolmen alynǵan qarajatty zańdastyrǵany úshin (QR QK 309-bap, 218-bap 3-tarmaǵy) 6 jylǵa bas bostandyǵynan aıyrylyp, múlki men páterlerdi satý arqyly alynǵan aqshasy tárkilendi.

Tergeý nátıjesinde qylmystyq jolmen tapqan 2 mlrd teńgeden asatyn qarajatqa satyp alynǵan barlyq múlik pen sol múlikten túsken kiristeri anyqtalyp, tárkilendi.

Sonymen qatar, páterlerdiń ıeleri týraly jalǵan aqparat bergen bala kútimi boıynsha jaldanǵan qyzmetkerge qatysty tergeý bastaldy.

Eger siz ekonomıkalyq quqyq buzýshylyqtar faktileri jaıly bilseńiz, «AFM Insider» telegram botyna habarlaýyńyzdy suraımyz.

Anonımdilikke kepildik beriledi.