استرولوگ بيىل كىمدەردىڭ جولى بولاتىنىن ايتتى

فوتو: اشىق دەرەككوز

2025 جىلدىڭ مامىر, ماۋسىم ايلارى نەكە قيىپ, شاڭىراق كوتەرۋگە وڭتايلى كەزەڭ دە بولجام جاسادى استرولوگ سابينا. ايتۋىنشا, بىرنەشە جۇلدىز بەلگىلەرى ماڭىزدى شەشىم قابىلداپ, وتباسى دەگەن جاڭا كەزەڭگە قادام باسقالى تۇر. مامان دەنساۋلىعىنا كوڭىل ءبولۋى كەرەك جۇلدىز بەلگىلەرىنە ەسكەرتۋ جاساپ, ماڭىزدى شەشىم قابىلداردا قولداناتىن, ساتتىلىك اكەلەتىن ساندار تۋرالى ايتتى, دەپ حابارلايدى qandastar.kz

توقتى

توقتىلار ءۇشىن مانسابىندا كوتەرىلۋگە جاقسى مۇمكىندىكتەر تۋىپ تۇر. ول ءۇشىن بۇل جۇلدىز بەلگىلەرى ءوزىن تولىقتاي جۇمىسقا ارناۋ كەرەك. كوكتەمگە قاراي قارجىلىق جاعدايىڭىز جاقسارىپ, تابىسىڭىز ارتادى. ال جازدا جەكە ومىرىڭىزگە كوڭىل ءبولىپ, رومانتيكالىق قارىم-قاتىناس ورناتۋعا قولايلى كەزەڭ بولماق.

تورپاق

2025 جىلى تورپاقتاردا كاسىبىنە بايلانىستى ۇسىنىستار مەن شاقىرتۋلار بولۋى ىقتيمال. سونداي اق ولار ىشكى وزگەرىستەردى باستان كەشەدى. جىل باسىندا بەيىمدەلۋ مەن ينتۋتسياعا قاتىستى جۇمىستا بىرقاتار قيىندىقتار تۋى مۇمكىن. جەكە ومىرىڭىزدە دە بەلگىلى ءبىر ماسەلەلەردى شەشۋگە تۋرا كەلەدى. ابزالى, جۇمىس پەن جەكە ءومىردى بالانستا ۇستاڭىز.

ەگىزدەر

ەگىزدەر ءۇشىن  ءبىلىم الۋعا, وقىپ, وي-ءورىسىڭىزدى كەڭەيتۋگە وڭتايلى بولماق. جاڭا تانىستىقتار بولىپ, كەرەمەت ساياحاتقا شىعۋىڭىز بەك مۇمكىن. جەكە ومىرىڭىزگە كەلەر بولساق, سۇيىكتىڭىزگە كوڭىل ءبولىپ, ونىمەن قارىم-قاتىناستى نىعايتۋدىڭ امالىن جاساڭىز.

شايان

استرولوگتار شاياندارعا وتباسىلىق قۇندىلىتاردى نىعايتۋعا كەڭەس بەرەدى. باسپانا ماسەلەسى شەشىلىپ, كوڭىلىڭىز جايلانادى. جەكە ومىرىڭىزدە دە تۇراقتىلىق پەن ۇيلەسىمدىلىك ورنايدى.

ارىستان

ارىستاندار شىعارماشىلىققا ۋاقىت ءبولىپ, ءوزىن جاقسى جاعىنان كورسەتۋگە تىرىسۋ كەرەك. جۇلدىز بەلگىلەرى قىزمەتىندە كوتەرىلۋى مۇمكىن. بىراق ول ءۇشىن كۇش سالىپ, ەڭبەك ەتۋگە تۋرا كەلەدى. سۇيىكتىڭىزگە دە ۋاقىت پەن كوڭىل ءبولىپ, قۋانتىپ قويساڭىز ارتىق ەتپەيدى.

بيكەش 

بيكەشتەر ءۇشىن جىلدىڭ العاشقى جارتىجىلدىعى مانساپتا كوتەرىلىۋگە, كوشباسشىلىق قابىلەتتەرىڭىزدى كورسەتۋگە قولايلى ۋاقىت. جاڭا تانىستىقتاردان دا تارتىنباڭىز. ءسىزدى ۇناتىپ جۇرگەن جان سەزىمىن ءبىلدىرۋى ابدەن مۇمكىن. سونداي-اق جەكە ومىرىڭىزدە بىرقاتار قيىندىقتار بولۋى ىقتيمال. ماسەلەنى بارىنشا سابىرلىق پەن تۇسىنىستىك تانىتىپ شەشۋگە تىرىسىڭىز.

تارازى

جازعا دەيىن شەتەلگە شىعىپ, شەتەلدىكتەرمەن تانىستىق ورنتاۋعا مۇمكىندىك تۋىپ تۇر. ماماندار تارازىعا تەوريالىق ءبىلىم الۋعا دەن قويىپ, ءوزىڭىزدى قالىپتاستىرۋعا ارەكەت ەتۋگە كەڭەس بەرەدى. جەكە ومىرىڭىزدەگى قيىندىقتاردى شەشۋ ءۇشىن سۇيىكتىڭىزبەن اشىق اڭگىمە جۇرگىزىپ, ءبىر-بىرىڭىزگە تۇسىنىستىك تانىتۋ كەرەك بولادى.

سارىشايان

سارىشايان ۇشىن 2025 جىلدىڭ العاشقى جارتىجىلدىعى قارىزعا العان قاراجات پەن ينۆەستيتسيانى اقىلمەن جۇمسايتىن ۋاقىت. ال ەكىنشى جارتىجىلدىقتا الىستان كەلگەن ادامدارمەن تانىستىق ورناتۋىڭىز بەك مۇمكىن. سوندىقتان باسقا ايماق پەن شەت مەملەكەتتەردىڭ ازاماتتارىمەن قارىم-قاتىنىس ورناتۋعا تىرىسىڭىز. جەكە ومىرىڭىزدە بىرقاتار وزگەرىستەر بولادى. بۇل وزگەرىستەر بەيىمدەلۋدى, جاڭا تاجىريبەگە اشىقتىقتى تالاپ ەتەدى.

مەرگەن

2025 جىل مەرگەندەر ءۇشىن وي-ءورىستى كەڭەيتۋگە, ءبىلىپ الۋعا قولايلى ۋاقىت. مانسابىڭىزدا جاڭا جوبالار بولۋى مۇمكىن. الايدا ول جوبالار جاسامپازدىقتى قاجەت ەتەدى. جەكە ومىرىڭىزدە وزگەرىستەر بولسىن دەسەڭىز, جاڭا تانىستىقتارعا اشىق بولىڭىز.

تاۋەشكى

تاۋەشكىلەر ءۇشىن قارجى تۇرعىسىنان تۇراقتى جىل بولماق. ۇزاق مەرزىمدى جوسپار قۇرۋعا ەرىنبەڭىز. قىزمەتىڭىزدە كوتەرىلۋىڭىز ىقتيمال. بىراق ول ءۇشىن ءتارتىپ كەرەك. بۇل جىلى وتباسىڭىز بەن جاقىندارىڭىزعا كولىڭ بولۋگە تىرىسقانىڭىز ابزال.

سۋقۇيعىش

الەۋمەتتىك ءوزارا ارەكەتتەسۋ مەن قوعامدىق جوبالارعا قاتىسۋ ءۇشىن ۇلكەن مۇمكىندىكتەر تۋىپ تۇر. مانسابىڭىزدا كۇتپەگەن وزگەرىستەر بولۋى مۇمكىن. سونداي-اق جەكە ومىرىڭىزدەگى وزگەرىستەرگە دە دايىن بولعانىڭىز دۇرىس.

بالىقتار

2025 جىل بالىقتارعا رۋحاني ءوسۋ مەن ءوزىن-ءوزى دامىتۋعا قولايلى كەزەڭ بولماق. جۇمىس بابىمەن سىزگە شىعارماشىلىق جوبالار جاساۋ تۋرالى ۇسىنىس تۇسۋى مۇمكىن. استرولوگتار بالىقتارعا جەكە ومىردە ءوز ينتۋيتسياسىنا سەنۋگە كەڭەس بەرەدى.

“كۇماندى ۇيىمدار مەن ينۆەستيتسيادان اۋلاق بولىڭىز”

استرولوگ مامان سابينا كەلەر جىلى ساتسىزدىكتەردىڭ الدىن الىپ, تىعىرىقتان شىعۋ ءۇشىن نە ىستەۋ كەرەگىن ايتتى.

“جىلان جىلى وزگەرىستەرگە بەيىمدەلۋ كەرەك بولادى. كۇتپەگەن جاعدايعا دايىن بولىپ, قيىندىققا تاپ بولعاندا سابىر ساقتاڭىز. جەكە دامۋ مەن ءبىلىم الۋعا دەن قويىڭىز. العان ءبىلىمىڭىز كەلەر جىلى كەزدەسەتىن قيىندىقتاردى جەڭۋگە كومەكتەسەدى. تۇراقتى پروفيلاكتيكالىق شارالار مەن سالاۋاتتى ءومىر سالتىن ۇستانساڭىز اۋرۋلاردىڭ الدىن الاسىز. كۇماندى ۇيىمدار مەن ينۆەستيتسيالاردان اۋلاق بولعانىڭىز ابزال. شىعىندارىڭىزدى جوسپارلاۋ دا  دا ارتىق ەتپەيدى”, – دەيدى مامان.

استرولوگتار جىلان جىلى توقتىلارعا ەنەرگياسىن مانسابىنا, قىزمەتىنىڭ وسۋىنە جۇمساۋعا كەڭەس بەرەدى. سونىمەن قاتار سابىر ساقتاپ, اسىعىس شەشىم قابىلداۋدان اۋلاق بولۋعا شاقىرادى.

“تورپاقتار ىشتەي وزگەرىستەردى باستان وتكەرەدى. جاڭا يدەيالارعا اشىق بولعانى ءجون. جايلى جەردەن جەردەن شىعىپ, باق سىناپ كورۋدەن قورىقپاۋ كەرەك. سابىر ساقتاپ, ءىستى اياعىن دەيىن جەتكىزىپ ۇيرەنىڭىز. ەگىزدەردىڭ وزدەرىن وقۋ بىلىمگە, ساياحاتقا ارناعانى دۇرىس. جاڭا تانىستىقتار مەن وي ءورىسىڭىزدى كەڭەيتۋگە بەرىلگەن مۇمكىندىكتەن ايىرىلىپ قالماڭىز. وزگەرىستەردەن قورىقپاڭىز, سوڭى جاقسىلىققا اپارادى. شاياندار وتباسى اراسىنداعى بايلانىستى نىعايتۋ ءۇشىن ارەكەت ەتۋ كەرەك. جاقىندارىنا كوڭىل بولگەنى ءجون. ال ارىستانداردىڭ جانجالدارعا كيلىكپەي, تاكاپپارلىعىنان ارىلعانى دۇرىس”, – دەيدى استرولوگ.

“سۋقۇيعىشتاردىڭ جەكە ءومىرى مەن مانسابىندا ۇلكەن وزگەرىستەر بولادى”

سابينانىڭ ايتۋىنشا, جىلان جىلى بيكەشتەردىڭ قىزمەتىندە كوتەرىلەتىن كەزەڭى. ولار ۇيىمداستىرۋ جۇمىستارىنا دەن قويىپ, وزىنە كوپ مىندەت جۇكتەۋدەن اۋلاق بولعانى ءجون.

“تارازىلار جاڭا تانىستىقتارعا اشىق بولعانى دۇرىس. سارىشاياندار ءوز ينتۋيتسياسىنا سەنىپ, شەكتەن تىس كۇدىكشىل بولماعانى ابزال. مەرگەندەر شەشۋى قيىن ماسەلەلەردە ءوپتيميزمدى ىسكە قوسىڭىز. مۇمكىندىكتەرگە جول اشۋ ءۇشىن ىزدەنىڭىز. تاۋەشكىلەر دەنساۋلىعىنا جانە قارجى جاعدايىنا ءمان بەرگەنى دۇرىس. ول ءۇشىن ءتارتىپ پەن جوسپار كەرەك. سۋقۇيعىشتاردىڭ جەكە ءومىرى مەن مانسابىندا ۇلكەن وزگەرىستەر بولۋى مۇمكىن. اينالاڭىزعا اشىق بولىڭىز. بالىقتار دامۋدىڭ جولىن ىزدەگەنى ءجون. ءوز كۇشىڭىزگە سەنۋدى توقتاتپاڭىز”, – دەگەن كەڭەس بەردى استرولوگ مامان.

ۇيلەنىپ, قونىس اۋداراتىن جۇلدىز بەلگىلەرى كىمدەر?

جۇلدىز جورامالعا سايكەس, كەلەر جىلى بىرنەشە جۇلدىز بەلگىلەرى وتباسىن قۇرىپ, ءومىردىڭ جاڭا كەزەىنە اياق باسادى.

استرولوگتىڭ ايتۋىنشا, نەكە قيۋعا ەڭ ءساتتى كەزەڭ – مامىر ايىنىڭ اياعى, ماۋسىمنىڭ باسى. سونداي-اق شاڭىراق كوتەرۋ ءۇشىن قىركۇيەك ايى دا ءساتتى كەز. بۇل كەزەڭدەر قارىم-قاتىناسقا ۇيلەسىمدىلىك اكەلەدى ەكەن.

“قونىس اۋدارىپ, كوشكەلى وتىرعان جاندار مۇنى كوكتەمدە, ياعني ناۋرىز, ءساۋىر ايلارىنا نەمەسە قازانعا جوسپارلاعانى دۇرىس. قاڭتار مەن قاراشا ايلارىندا كاسىپ اشىپ, ءىس باستاعانداردىڭ جۇمىسى ورگە باسادى. ال شىلدە, تامىز ايلارى دەنساۋلىققا كوڭىل بولەتىن كەز”, – دەيدى سابينا.

2025 جىلى قانداي ساندار مەن تۇستەر ساتتىلىك اكەلەدى?

“2, 6, 8, جانە 11 ساندارى كەلەر جىلى ساتتىلىك اكەلەتىن ساندار بولىپ سانالادى. اسىرەسە ماڭىزدى شەشىمدەر مەن ىستەردە وسى اتالان ساندار ەسىڭىزدە تۇرسىن. سونداي-اق جاسىل, كوگىلدىر, التىن جانە قوڭىر تۇستەر جاقسىلىق پەن ساتتىلىك تارتادى”, – دەيدى استورلوگ.