«استىق قويمالارى» جشس وكىلدىكتەرىنىڭ ديرەكتورى سوتتالدى

فوتو: اشىق دەرەككوز

استانا قالاسىنىڭ قىلمىستىق ىستەر جونىندەگى اۋدانارالىق سوتى «استىق قويمالارى» جشس «№2 نان بازاسى» جانە «№5 نان بازاسى» وكىلدىكتەرىنىڭ بۇرىنعى ديرەكتورى م.ە.جۇسىپوۆكە قاتىستى ۇكىم شىعاردى, دەپ حابارلايدى Qandastar.kz.

ۆەدومستۆونىڭ مالىمەتىنشە, 160 ملن تەڭگەدەن استام سوماعا ازىق-ت ۇلىك استىعىنىڭ مەملەكەتتىك رەزەرۆتىك قورىن جىمقىرعانى جانە ونىڭ 118 ملن تەڭگەدەن استام سوماعا 996 توننا مولشەرىندە ب ۇلىنۋىنە اكەپ سوققان نەمقۇرايلىلىعى ءۇشىن كىنالى دەپ تانىلعان.

سوت ۇكىمىمەن مۇلكى تاركىلەنىپ, 8 جىل 5 اي مەرزىمگە باس بوستاندىعىنان ايىرۋ جازاسى تاعايىندالدى.

سونىمەن بىرگە مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرىلدى.

ۇكىم زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز دەپ ەسەپتەلەدى.