Ata-anasy balasymen 33 jyldan keıin qaıta kezdesti

Ákesi 2023 jyly qaıtys bolǵannan keıin ǵana asyrap alǵan ana ulyna onyń óz balasy emes ekenin aıtqan.

Qytaılyq erli-zaıyptylar aýrýhana dırektorynyń bedeý týysy ósirgen «ólgen» ulyn 33 jyldan keıin tiri tapqanda tań qaldy, dep habarlaıdy inbusiness.kz saıty South China Morning Post-qa silteme jasap.

Qytaıda uldary týǵannan keıin kóp uzamaı qaıtys boldy dep sengen erli-zaıyptylar onyń shyn máninde tiri jáne jaǵdaıy jaqsy ekenin 30 jyldan astam ýaqyt ótken soń bildi.

Qytaıdyń shyǵysyndaǵy Anhoı provınııasyndaǵy kedeı kentte ósken 33 jastaǵy Chjan Hýaııýan ózin asyrap alǵanyn estigende qatty tań qaldy. Ol óziniń bıologııalyq ata-anasy Qytaıdyń ońtústik-shyǵysyndaǵy Chjezıan provınııasynyń baı saýdagerleri ekenin bildi. Ol bıologııalyq ata-anasynan 400 shaqyrymdaı jerde ósken.

Bosanǵannan keıin dárigerler Chjannyń bıologııalyq ata-anasyna onyń shala týylǵandyqtan shetinep ketkenin aıtty. Biraq, shyn máninde náreste aýrýhana dırektorynyń júkti bola almaǵan týysqanyna berilgen. Asyrap alýshylardyń jasy 50-den asqan. Onyń ákesi múgedek boldy, sondyqtan Chjan qarjydan qysylyp, 17 jasynda mektepti tastap ketýge májbúr boldy. Ákesi 2023 jyly qaıtys bolǵannan keıin ǵana asyrap alǵan ana ulyna onyń óz balasy emes ekenin aıtqan.

Chjan shyn ata-anasymen osy jyldyń mamyr aıynda polıııanyń kómegimen kezdesti. Lı otbasy Qytaıdyń shyǵysyndaǵy Tıanzın qalasyndaǵy Chjannyń úıine baryp, kelini men toǵyz jasar nemeresin kórdi.

20 mamyrda Chjezıanda ótken úlken merekede Chjannyń bıologııalyq ákesi Lı Shıze kózine jas alyp, balasyna 1,2 mln ıýan (166 myń dollar) shot ashý úshin bank kartasyn syıǵa tartty.

Chjan kedeılikte óskenimen bıologııalyq ata-anasynyń iskerlik daǵdylaryn mura etti – onyń shaǵyn fabrıkasy bar edi.