«اتا-اناسى قىزىن ماعان بەرگىسى كەلمەدى»: جىگەر اۋىپباەۆ جان سىرىن اقتاردى

فوتو: الەۋمەتتىك جەلىدەن

تانىمال ءانشى جىگەر اۋىپباەۆ Revuenews باعدارلاماسىنا بەرگەن سۇحباتىندا تىڭدارمانىنا العاش كورگەندە عاشىق بولعانىن ايتتى. ونەر يەسى ول ارۋدى تۋعان جەرىنە كونتسەرتكە بارعان كەزدە جولىقتىرعان, دەپ حابارلايدى Azattyq Rýhy. 

«ول ادام مەنىڭ تۋىپ-وسكەن جەرىمنەن بولدى. مەن جەلتوقسان ايىندا سول اۋىلعا كونتسەرت قويۋعا باردىم. سول كونتسەرتتە ءارى-بەرى ءوتىپ جۇرگەنىن كوردىم. كەش باستالعان كەزدە ونى ىزدەي باستادىم. جان-جاعىما قاراسام, ءدال الدىمدا سول جاقتا وتىر ەكەن. 1,5-2 ساعاتتىق كونتسەرتتى سول قىزعا قاراپ ايتتىم. ول ونى بايقادى. ءبىر كورگەننەن عاشىق بولدىم دەپ ايتۋعا بولادى», – دەدى ءانشى.

قىزدىڭ اتا-اناسى مەن باۋىرلارى قارسى بولعان

كونتسەرتتەن كەيىن ءانشى مەن بويجەتكەن الەۋمەتتىك جەلى ارقىلى بايلانىسىپ, جاقىنىراق ارالاسا باستاعان. الايدا جىگەر اۋىپباەۆ ولاردىڭ قارىم-قاتىناسىنا بويجەتكەننىڭ جاقىندارى قارسى بولعانىن جەتكىزدى.

«ول ادامدى باسىمدا قيىن سىناقتار بولىپ, قينالىپ جۇرگەن ساتتەرىمدە جولىقتىرىپ, كوڭىل جاراستىردىم. قيىن ساتتە بىرەۋدىڭ ءبىر جىلى ءسوزى كۇش بەرىپ تۇرادى عوي. سوندا ساتتە ول ماعان دەمەۋ بولدى. باسىمىزدان كوپ جاعداي ءوتتى. كەيىن ءبارى جاقسى بولىپ كەلە جاتقاندا ارا-قاتىناسىمىزعا قىزدىڭ اتا-اناسى مەن باۋىرلارى قارسى بولدى. ءسويتىپ ەكى جاققا كەتتىك», – دەيدى ول.