اتاۋلى الەۋمەتتىك كومەك الۋعا قويىلاتىن تالاپتار جاريالاندى

فوتو: اشىق دەرەككوز

2024 جىلعى 1 قازانعا 73,4 مىڭ وتباسىنداعى 389,1 مىڭ ادامعا اتاۋلى الەۋمەتتىك كومەك (بۇدان ءارى – ااك) تاعايىندالدى, – دەپ حابارلايدى qandastar.kz  Aikyn.kz-كە سىلتەمە جاساپ.

بيىل وسى ماقساتقا بيۋدجەتتەن 55,9 ملرد تەڭگە قاراستىرىلعان.

بۇرىن حابارلانعانداي, ااك-ءنىڭ نەگىزگى ماقساتى – اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىردەگى جاعدايدان شىعارۋ.

ااك مىنالاردى كوزدەيدى:

– تابىسى وڭىرلىك ەڭ تومەن كۇنكورىس دەڭگەيىنىڭ 70%-نان اسپايتىن ازاماتتارعا توقسان سايىن الەۋمەتتىك كومەك تاعايىنداۋ;

– تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك (5 538 تەڭگە) مولشەرىندە اي سايىنعى قوسىمشا تولەم بەرۋ. 2024 جىلعى 1 قازانعا ااك الۋشىلار قاتارىنان مەكتەپ جاسىنا دەيىنگى 120,4 مىڭ بالاعا 4,2 ملرد تەڭگە سوماسىنا قوسىمشا تولەم تاعايىندالدى;

– جۇمىسقا ورنالاستىرۋ, ءوز ءىسىن اشۋعا نيەتتى وتباسىلارعا گرانتتار بەرۋ, بىلىكتىلىكتى ارتتىرۋ كۋرستارىنا جىبەرۋ (قاجەتىنە قاراي) جانە باسقالار ارقىلى جۇمىسپەن قامتۋعا جاردەمدەسۋ.

قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىنا, اۋىل وكرۋگىنىڭ اكىمىنە جۇگىنۋ نەمەسە ەلەكتروندىق ۇكىمەت پورتالى (egov.kz) ارقىلى بەرە الادى.