Jańalyqtar
Ataýly áleýmettik kómek tóleýdiń jańa sharttary qandaı
![](https://qandastar.kz/wp-content/uploads/2019/10/skachannye-faıly-20.jpg)
QazAqparat – Búgin Úkimet otyrysynda QR Eńbek jáne halyqty áleýmettik qorǵaý mınıstri Birjan Nurymbetov ataýly áleýmettik kómek tóleýdiń negizgi tetikterin atady.
«Ataýly áleýmettik kómek ómirlik qıyn jaǵdaıǵa tap bolǵan jáne odan óz betinshe shyǵýǵa múmkindigi joq adamdarǵa ǵana taǵaıyndalýy tıis. Osyǵan baılanysty kelesi negizgi tetikter usynylady. Birinshiden, AÁK-tiń toqsan saıyn taǵaıyndalýyn qaıtarý jáne tıisinshe, shartty jáne shartsyz kómekti úsh aıǵa taǵaıyndaý», – dedi ol.
Mınıstrdiń aıtýynsha, bul bir jaǵynan AÁK alýshylardyń óz tabysyn jasyrý jaǵdaılaryn barynsha tómendetedi. Ekinshi jaǵynan – kómekti taǵaıyndaý tártibi ádil bolady.
«Sebebi otbasynyń jan basyna shaqqandaǵy tabysy kelesi toqsanda kóbine azaıý jaǵyna ózgerip jatady. Iaǵnı, AÁK-ti toqsan saıyn eseptegende taǵaıyndalǵan mólsheri ulǵaıýy múmkin. Ekinshiden, barlyq otbasy múshelerine AÁK orta tabysy men kedeıshilik shegi arasyndaǵy aıyrmashylyq kóleminde tólenetin bolady. Úshinshiden, eger otbasynyń eńbekke qabiletti múshesi usynylǵan jumyspen qamtý sharalarynan bas tartsa, onda ol jáne onyń otbasynyń barlyq músheleri AÁK alý quqyǵynan aıyrylady. Sonymen qatar bala kútimimen aınalysatyn anaǵa bala úsh jasqa tolǵannan keıin jumyspen qamtýdyń belsendi sharalaryna qatysý quqyǵyn berý usynylady», – dedi mınıstr.
B.Nurymbetov tórtinshiden, ýchaskelik komıssııalar jumysy kúsheıtiletindigin aıtty.
«О́kinishke qaraı, ataýly áleýmettik kómek alýshylar birneshe qabatty jeke úılerde turyp jatqan, birneshe avtokóligi bolǵan, jer ýchaskeleri men qosalqy sharýashylyqtarynyń úlken kólemde bolǵan mysaldar az emes. Bul jaǵdaılar ýchaskelik komıssııanyń jaýapkershiliginde. Sondyqtan zań jobasynda ýchaskelik komıssııalar úshin ataýly áleýmettik kómekke muqtajdyǵyn anyqtaý ólshem sharttaryn bekitý úshin ortalyq atqarýshy organnyń quzyretin qaraý usynylady», – dedi ol.
Osy oraıda mınıstr ataýly áleýmettik kómekke úmitker otbasylardyń sanynyń artýy qoǵamdyq negizde jumys isteıtin ýchaskelik komıssııalardyń jumysyna áser etkenin moıyndady.
«Sondyqtan biz zańda ýchaskelik komıssııalarǵa otbasynyń materıaldyq jaǵdaıyna qorytyndy jasaý úshin merzimdi úsh kúnnen jeti kúnge deıin arttyrýdy usynamyz», – dedi B.Nurymbetov.
Eske salaıyq, QR Eńbek jáne halyqty áleýmettik qorǵaý mınıstri búgin Úkimet otyrysynda ataýly áleýmettik kómekti berýdiń qoldanystaǵy júıesin ózgertetin zań jobasyn tanystyrdy.
Basty baǵyt – eńbekke yntalandyrý, azamattardyń tabystaryn jáne memlekettik qoldaý mólsherin esepke alýǵa qatysty ashyqtyq pen ádilettikti qamtamasyz etý.
Jańa zań jobasynda kópbalaly otbasylarǵa memlekettik járdemaqyny tabysyna qaramastan tóleý usynylyp otyr. Ol balalardyń sanyna qaraı 42500 teńgeden 73 myń teńgege deıin saralanǵan mólsherde beriledi.