«اتاجۇرت ەرىكتىلەرى» قوزعالىسىنىڭ جەتەكشىسى سەرىكجان بىلاشكە قاتىستى سوت 29 شىلدەدە نۇر-سۇلتاندا بولادى

ءمادينا ءالىمحانوۆا. «اتاجۇرت ەرىكتىلەرى» قوزعالىسىنىڭ جەتەكشىسى سەرىكجان بىلاشكە قاتىستى سوت 29 شىلدەدە نۇر-سۇلتاندا بولادى, دەپ حابارلادى ادۆوكاتى ايمان وماروۆا.
«ايىپتاۋ اكتىسىن 19 شىلدەدە نۇر-سۇلتان پروكۋرورىنىڭ ورىنباسارى وتەگەنوۆ بەكىتتى. بۇل دەگەنىڭىز ول ءىستى سوتقا جىبەردى دەگەندى بىلدىرەدى. مەن نۇر-سۇلتانداعى №2 الماتى اۋداندىق سوتى ءىستى 29 شىلدەدە ساعات 11.30-دا قارايدى دەگەن حابارلاما الدىم», – دەدى وماروۆا بەيسەنبى كۇنى قازتاگ تىلشىسىنە.
بۇل رەتتە ول وعان قاي باپ بويىنشا ايىپ تاعىلعانىن دا ناقتىلاي كەتتى.
«الدىمەن ءىس قر قك 174 ب. 1 ب. بويىنشا (الەۋمەتتiك, ۇلتتىق, رۋلىق, ناسiلدiك, تەكتىك-توپتىق نەمەسە دiني الاۋىزدىقتى قوزدىرۋ) تىركەلدى. كەيىن قۇقىققورعاۋ ورگاندارى 2 ب. دەپ بەلگىلەدى, ياعني ول ۇيىم جەتەكشىسى جانە ت.ب. الايدا اقىرى ايىپتاۋ اكتىسىن 174 ب. 1 ب. بويىنشا بەكىتتى», – دەپ ءتۇسىندىردى ادۆوكات.

«مەن وندا قىلمىس قۇرامى جوق دەپ سانايمىن, سەبەبى ول قىتايداعى تۇزەتۋ لاگەرلەرىندەگى قازاق, ۇيعىر جانە قىرعىزداردى كەمسىتۋشىلىككە قارسى اقپاراتتىق دجيحاد جاسايمىن دەدى. كىناسانىڭ دالەلەى – ساراپتاما جانە كۋاگەرلەر دەپ اتالعاندار, ولاردىڭ اراسىندا قالاي ەكەنى بەلگىسىز مۇحتار شاحانوۆ تا ءجۇر, ولار وسى سوزدەر الاۋىزدىقتى قوزدىرادى دەپ سانايدى», – دەدى وماروۆا.
سونىمەن قاتار, ول حابارلاعانداي, ولار سوت پروتسەسىنە دايىندالۋعا قوسىمشا ۋاقىت سۇرايتىن بولادى.
«29-نا (شىلدە – قازتاگ) مەن بارامىن دا تاعى ۋاقىت بەرۋلەرىن سۇرايمىن, سەبەبى دايىندالۋعا ۋاقىت وتە از بولدى. ايىپتاۋ قورىتىندىسىنىڭ كوشىرمەسىن ءبىز ەندى عانا الدىق», – دەدى وماروۆا.
ەسكە سالساق, ءبىلاش 10 ناۋرىزدا الماتى قوناقۇيلەرىنىڭ بىرىندە ۇستالدى جانە قازىر ءۇي قاماعىندا وتىر. تەرگەۋ «اتاجۇرت ەرىكتىلەرى» قوزعالىسىنىڭ ليدەرىنە «الەۋمەتتىك جانە ۇلتتىق الاۋىزدىقتى قوزدىرۋعا باعىتتالعان ادەيى ارەكەتتەردى جاساۋ» ايىبى تاعىلۋدا. ساياسي-بەلسەندى سينتسزيانداعى ەتنيكالىق قازاقتارعا قاتىستى قىتايلىق بيلىكتى سىنعا الۋىمەن تانىس.

دەرەككوز: https://kaztag.kz/kz/news/atazh-rt-eriktileri-oz-alysyny-zhetekshisi-serikzhan-bil-shke-atysty-sot-29-shildede-n-r-s-ltanda-bo