جاڭالىقتار
«اتتارىن سۇراپ, كولىككە وتىرۋدى ۇسىنعان»: استانادا پوليتسەيلەر قىزعا ءتيىستى دەپ ايىپتالدى
فوتو: اشىق دەرەككوز
الەۋمەتتىك جەلىدە استانادا پوليتسەيلەردىڭ كوشەدە كەتىپ بارا جاتقان قىزعا “جەتكىزىپ تاستايىق” دەپ قىزمەتتىك كولىككە ءمىنۋدى ۇسىنعان ۆيدەوسى پايدا بولدى. پوليتسيا دەپارتامەنتى ۆيدەوعا قاتىستى تۇسىنىكتەمە بەردى, دەپ حابارلايدى Skifnews.kz اقپارات پورتالى.
جەلى قولدانۋشىلارى تارتىپ ساقشىلارىن قىزعا ءتيىستى دەپ ايىپتادى.
استانا قالاسىنىڭ پوليتسەيلەرى جولدا كەتىپ بارا جاتقان قىزداردىڭ اتىن سۇراپ, كولىككە وتىرۋلارىن ۇسىنعان. بۇل قانشالىقتى دۇرىس? پوليتسيا ءبىزدى قورعاۋدىڭ ورنىنا, وزدەرى تارتىپسىزدىككە جول بەرەدى, – دەلىنگەن جازبادا.
استانا پوليتسيا دەپارتامەنتى ۆيدەوداعى جاعدايدى ءتۇسىندىردى.
پوليتسيا قىزمەتكەرلەرى كولىك جۇرەتىن جولدىڭ بويىندا, جولسىز جەردە كەتىپ بارا جاتقان قىزدى كورىپ, كومەك قاجەت پە دەپ سۇراعان. قاجەت بولعان جاعدايدا, كولىكپەن ءتيىستى جەرگە دەيىن جەتكىزىپ تاستايتىندارىن ايتقان. قىز ۇسىنىستان باس تارتقان. ارتىنشا پاترۋلدىك بريگادا اۋماقتى پاترۋلدەۋ جۇمىستارىن جالعاستىردى, – دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
