اتتەستاتسيادان ءوتۋ 600 مىڭ تەڭگە مە?

فوتو: اشىق دەرەككوز

بىرنەشە جىلدان بەرى مۇعالىمدەر مەن مەكتەپ ديرەكتورلارىنىڭ بىلىكتىلىك دەڭگەيىن انىقتاۋ ماقساتىندا اتتەستاتسيا وتكىزىلىپ ءجۇر دەپ جازادى جۋرناليست مارجان راقاي ءوز پاراقشاسىندا.

«ءاۋ باستا-اق كۇماندى بولىپ باستالعان بۇل تەست قازىر ناعىز مايشەلپەككە اينالدى. نەگە دەسەڭىز, مۇعالىمدەردىڭ تەستتەن وتۋىنەن, وتە الماي قالۋى ىقتيمالدىعى جوعارى.

بىراق, ءبىرلى-جارىمى بولماسا, ءبارى دەرلىك ءوتىپ كەتەدى. ويتكەنى, وسى ۋاقىتقا بەلگىلى بولعان سوماداعى “ستاۆكالارى” بار.

600 مىڭنان باستالادى. بۇل ستاۆكا مۇعالىمنىڭ قاي دارەجەنى قورعايتىنىنا بايلانىستى وزگەرىپ وتىراتىن كورىنەدى.

تانىس مۇعالىمدەر سول پارانى بەرۋ ءتاسىلىن ايتىپ بەرگەن ەدى. ءبىر ك ۇلىپ, ءبىر جىنىم كەلىپ…

مىسالى, جاس مۇعالىمدەرگە شىلدەحاناعا, ودان جوعارىلار, توي, قۇدالىق, سىرعا سالۋ دەگەن سياقتى اتتارمەن ارنايى سومانى ساۋدالاسادى ەكەن

دارىگەرلەردىڭ پارا بەرۋدە “پالەنشە شار ۇرلەۋ كەرەك” دەگەن استىرتىن اتاۋى عوي بىلايشا ايتقاندا

بۇل اتتەستاتسيالاۋ مۇعالىمدەردىڭ ايلىعى كوتەرىلە سالا پايدا بولدى ەمەس پە? ءارى دەسە, ونى وتكىزىپ, باقىلايتىن مەملەكەتتىك مەكەمە ەمەس, ارنايى تەست ورتالىعى.

ياعني, سول سالادا جۇرگەن جەكەلەگەن ادامداردىڭ “بيزنەسى” ما دەرسىڭ

ءبىلىم سالاسىن باسقارعان وتە ءبىر بىلىكتى, قۋلىعىنا قۇرىق بويلامايتىن اككى باسشىنىڭ ءىسى ما دەگەن ويىم بار…

مۇعالىمدەردى وسى اتتەستاتسيادان قۇتقارۋ كەرەك سياقتى كورىنەدى. ويتكەنى ولار جاپپاي جەمقورلىققا باستاپ بارا جاتىر

ايتەۋىر تانىس ىزدەپ, اقشاسىن دايىنداپ قويىپ جۇرگەن ۇستازدار… ونسىز دا بالالارعا ءبىلىم بەرىپ ءبىر, نەبىر “جىندى” اتا-انامەن ءتىل تابىسىپ ەكى, باسشىلىعىنىڭ ەركەلىگىن كوتەرىپ ءۇش, ءتۇرلى تەكسەرىستەرگە تويتارىپ بەرىپ ءتورت شارشاپ جۇرگەن ۇستازداردى ودان ءارى تالاۋدى دوعارۋ كەرەك!

تىپ-تىنىش قانا بالالارعا ساباعىن بەرىپ, ءتارتىپ پەن تاربيەگە ۇيرەتىپ, جوعارى ايلىعىن الىپ ءجۇرسىن دە…» دەپ ويىن تۇيىندەيدى جۋرناليست.