Аттракцион опырылып түсті: 23 адам зардап шекті

Сауд Арабиясындағы Таиф қаласына жақын орналасқан Әл-Хада ауданындағы «Жасыл тау» («Зеленая гора») аттракциондар паркінде ауыр оқиға тіркелді, деп хабарлайды Qandastar.kz

Аттракционның құлауы салдарынан кемінде 23 адам жарақат алды.

Олардың үшеуінің жағдайы ауыр екені хабарланды. Қазіргі уақытта зардап шеккендерге медициналық көмек көрсетілуде.

Оқиғаның мән-жайы анықталып жатыр.

Толығырақ ақпарат ресми органдар тарапынан күтілуде.