«Aty qymyz, zaty araq»: Nuraly «ustaz» qazaqtyń bal qymyzynan bas tartýdy usyndy

Foto: ashyq derekkóz

Moldalar men ımamdar qazaqtyń ádet-ǵurpyna soqtyqpasa júre almaıdy. Olar apta saıyn bir jańalyq shyǵaryp, el ishin alataıdaı búldiredi de júredi. Bul joly Nuraly atty ustaz qazaqtyń bal qymyzyna shúıligip, aıdy aspanǵa biraq shyǵardy. Jamaǵatqa ýaǵyz aıtyp otyrǵan ımam-moldanyń qazaqtyń bal qymyzyna qatysty aıtqan pátýási áleýmettik jelige tarap ketti, dep habarlaıdy qandastar.kz Qazaq.today agenttigine silteme jasap.

Jamaǵatqa ýaǵyz aıtyp otyrǵan álgi ustaz, qymyz mas qylsa, qolyńdy tóbege qoıyp qashyp ketý kerek deıdi.

«Sol bal qyzmyzdy iship otyrǵan jigitter maǵan «zvandap» jatyr. «Ustaz myna bal qymyz jaıly ne aıtasyz?», – deıdi. Men bilmeımin, bal qymyzdy ózim birinshiden kórgen joqpyn. Sóıtsem, «ustaz, qazir mynany iship otrqta, bir-birimizge áńgime aıtyp otrq» deıt ta álgi jigitter. Kádimgi mas bolyp otyrǵanyn aıtyp otyrda. Qutty bolsyn dedim, men aıttym. Ondaıǵa jolamaǵanyń durysta, Allah subhanalla. Qymyzdyń ózin ashytsańyz problema joq. Eger mas qylatyn bolsa ondaı qymyzdan, eki qolyńdy tóbege qoıyp, qashyp ketý kerek qoı. Iship alyp, aty qymyz, zaty araq bolyp jatsa ol bolmaıdy», – dedi Nuraly ustaz atalyp ketken molda.

Babalar ishken bal qymyzdyń qadir-qasıetin bilmeıtin ýaǵyzshyl ustazdyń aqyl-keńesi taǵyda synǵa ushyrady. «Úıirilgen sary altyndaı sary qymyz, Aýrýǵa – em, saýǵa – qýat, dári qymyz. Elimniń baıaǵydaı súıgen asy, Shyǵarshy taǵy neń bar kári qymyz», – dep Jambyl Jabaevtar jyrlaǵan qymyz qyryq dertke em. Al, álgi molda kórmegen, bilmegen, bezip ketý kerek degen Bal qymyzdy qazaqtar bal, qant, órik-meıiz qosyp ta pisirgen. Bal qymyzdy kóbine syrqat adamǵa, balalarǵa, sondaı-aq, jas bosanǵan áıelderge bergen.