«اتىن اتاماۋدى ءوتىندى»: الماتىدا الاياققا الدانعان پروفەسسورعا 23 ملن تەڭگە سىيعا بەرىلدى

فوتو: اشىق دەرەككوز

الماتىدا الاياقتاردىڭ قۇربانى بولىپ, باسپاناسىنان ايرىلعان قازۇۋ پروفەسسورى كاكەن قامزينگە حالىق 32 ملن تەڭگە جيناپ بەردى. بۇل تۋرالى پروفەسسور جەلىدەگى پاراقشاسىندا جازدى, دەپ حابارلايدى qandastar.kz turkystan.kz-كە سىلتەمە جاساپ.

ونىڭ ايتۋىنشا, قاراجاتتىڭ 23 ميلليون تەڭگەسىن اتىن اتاماۋدى وتىنگەن ءبىر جومارت ازامات اكەلىپ بەرگەن.

ء“بىر جارىم اي بۇرىن باسپانامنان ايىرىلىپ قالا جازداعان اۋىر جاعداي باستان ءوتتى. وكىنىشكە قاراي, الاياقتارعا الدانىپ, ءۇيىمدى قايتارىپ الۋ ءۇشىن شىلدەنىڭ 5-ىنەن باستاپ ەل-جۇرتتان «جىلۋ» جيناۋعا ءماجبۇر بولدىم. بۇل مەن ءۇشىن دە, وتباسىم ءۇشىن دە وڭاي شەشىم بولمادى. “ولىمنەن ۇيات كۇشتى” دەيدى. بىراق سىزدەردىڭ شىنايى جاناشىرلىقتارىڭىز, قولداۋلارىڭىز, جىلى سوزدەرىڭىز بىزگە ءۇمىت سىيلادى.

اللاعا مىڭ دا ءبىر شۇكىر, بۇگىن سول «جىلۋ» جيناۋدى رەسمي تۇردە توقتاتاتىنىمدى قۋانا حابارلايمىن. وسىلايشا, جينالعان قاراجات 9 529 836 تەڭگەگە جەتتى. ال ەندى ەڭ كۇتپەگەن ءارى جۇرەكتى ەلجىرەتكەن ءسات, بۇگىن ءبىر قايىرىمدى ازامات (اتى-ءجونىن ايتپاۋدى سۇرادى) جەتپەي تۇرعان ۇلكەن سومانىڭ بارلىعىن (23 ملن تەڭگە) قولما-قول اكەلىپ بەردى. بۇل – قارجىلاي كومەك قانا ەمەس, سەنىمنىڭ, بىرلىكتىڭ, مەيىرىمنىڭ ناعىز كورىنىسى. ول ازاماتقا اللا رازى بولسىن! وتباسىنا, وزىنە تەك جاقسىلىق تىلەيمىن!”, – دەدى كاكەن قامزين.

پروفەسسور ەندى ساتىپ الۋشى وتباسىعا تولىق اقشاسىن تابىستاپ, ءۇيدى ءوز اتىنا قايتا راسىمدەۋگە كىرىسەتىنىن مالىمدەدى.