«Atyn atamaýdy ótindi»: Almatyda alaıaqqa aldanǵan professorǵa 23 mln teńge syıǵa berildi

Foto: ashyq derekkóz

Almatyda alaıaqtardyń qurbany bolyp, baspanasynan aırylǵan QazUÝ professory Káken Qamzınge halyq 32 mln teńge jınap berdi. Bul týraly professor jelidegi paraqshasynda jazdy, dep habarlaıdy qandastar.kz turkystan.kz-ke silteme jasap.

Onyń aıtýynsha, qarajattyń 23 mıllıon teńgesin atyn atamaýdy ótingen bir jomart azamat ákelip bergen.

“Bir jarym aı buryn baspanamnan aıyrylyp qala jazdaǵan aýyr jaǵdaı bastan ótti. О́kinishke qaraı, alaıaqtarǵa aldanyp, úıimdi qaıtaryp alý úshin shildeniń 5-inen bastap el-jurttan «jylý» jınaýǵa májbúr boldym. Bul men úshin de, otbasym úshin de ońaı sheshim bolmady. “О́limnen uıat kúshti” deıdi. Biraq sizderdiń shynaıy janashyrlyqtaryńyz, qoldaýlaryńyz, jyly sózderińiz bizge úmit syılady.

Allaǵa myń da bir shúkir, búgin sol «jylý» jınaýdy resmı túrde toqtatatynymdy qýana habarlaımyn. Osylaısha, jınalǵan qarajat 9 529 836 teńgege jetti. Al endi eń kútpegen ári júrekti eljiretken sát, búgin bir qaıyrymdy azamat (aty-jónin aıtpaýdy surady) jetpeı turǵan úlken somanyń barlyǵyn (23 mln teńge) qolma-qol ákelip berdi. Bul – qarjylaı kómek qana emes, senimniń, birliktiń, meıirimniń naǵyz kórinisi. Ol azamatqa Alla razy bolsyn! Otbasyna, ózine tek jaqsylyq tileımin!”, – dedi Káken Qamzın.

Professor endi satyp alýshy otbasyǵa tolyq aqshasyn tabystap, úıdi óz atyna qaıta rásimdeýge kirisetinin málimdedi.