جاڭالىقتار
اتىراۋ ءابيبا ابۋجاقىنوۆا مەن ەسميگۋل كۋيۋلوۆاعا Zeekr مىنگىزدى
فوتو: الەۋمەتتىك جەلىدەن
پاريج وليمپياداسىندا اتىراۋ وبلىسىنىڭ نامىسىن قورعاعان قوس دزيۋدوشى ءابيبا ابۋجاقىنوۆا مەن ەسميگۋل كۋيۋلوۆاعا جەرلەستەرى Zeekr كولىگىن مىنگىزدى, دەپ حابارلايدى Qaz365.kz.
دەمەۋشىلەر تاراپىنان ۇيىمداستىرىلعان سىيدى وبلىس اكىمى سەرىك شاپكەنوۆ سالتاناتتى تۇردە تابىستادى. ابيبيعا كولىگىنىڭ ءنومىرى قوسا بەرىلدى. «كرۋتوي» ءنومىردىڭ قۇنى – 840 مىڭ تەڭگە.
ايتا كەتەيىك, پاريج وليمپياداسىندا ابۋجاقىنوۆا 48 كەلىدە ونەر كورسەتتى. ول قولا جۇلدە ءۇشىن تارتىستا شۆەتسيالىق بالۋانعا ەسە جىبەرىپ, بەسىنشى ورىن الدى. ال ەسميگۋل كۋيۋلوۆا العاشقى اينالىمنان ءارى اسپاعان.
ەكى سپورتشى دا وزبەكستان رەسپۋبليكاسىندا دۇنيەگە كەلگەن. كەيىننەن تاريحي وتانىنا قونىس اۋدارىپ, قازىرگى كەزدە اتىراۋ وبلىسىنىڭ نامىسىن قورعاپ ءجۇر.
بۇعان دەيىن ابيباعا ءماجىلىس دەپۋتاتى, كاسىپكەر ايداربەك قوجانازاروۆ Kia Ceed ماركالى كولىگىن بەرگەن.
