Atyraý Ábıba Ábýjaqynova men Esmıgýl Kýıýlovaǵa Zeekr mingizdi

Foto: áleýmettik jeliden

Parıj Olımpıadasynda Atyraý oblysynyń namysyn qorǵaǵan qos dzıýdoshy Ábıba Ábýjaqynova men Esmıgýl Kýıýlovaǵa jerlesteri Zeekr kóligin mingizdi, dep habarlaıdy Qaz365.kz.

Demeýshiler tarapynan uıymdastyrylǵan syıdy oblys ákimi Serik Shápkenov saltanatty túrde tabystady. Ábıbıǵa kóliginiń nómiri qosa berildi. «Krýtoı» nómirdiń quny – 840 myń teńge.

Aıta keteıik, Parıj Olımpıadasynda Ábýjaqynova 48 kelide óner kórsetti. Ol qola júlde úshin tartysta shveııalyq balýanǵa ese jiberip, besinshi oryn aldy. Al Esmıgýl Kýıýlova alǵashqy aınalymnan ári aspaǵan.

Eki sportshy da О́zbekstan Respýblıkasynda dúnıege kelgen. Keıinnen tarıhı otanyna qonys aýdaryp, qazirgi kezde Atyraý oblysynyń namysyn qorǵap júr.

Buǵan deıin Ábıbaǵa Májilis depýtaty, kásipker Aıdarbek Qojanazarov Kia Ceed markaly kóligin bergen.